Archive Page 2

05
Nov
13

ගීයක තොරතුරු

කිහිප දෙනෙක් අසා ඇති ප්‍රශ්න වලට පිළිතුරු

1. ගීතයට ම තොරතුරු ඇතුළත් කර ඇත යන්නේ තේරුම පැහැදිලි කරන්න.

ඔබ දන්නවා mp3 ආකාරයෙන් සිංහල ගීත ලබා ගත හැකි (බාගන්නට හැකි) අඩවි විශාල ප්‍රමාණයක් අන්තර්ජාලයේ තියෙනවා. එහෙම ලබා ගන්නා ගීයක බලන්න මොනවද තියෙන්නෙ කියලා.
ගීයක් නිර්මානයේදී දායක වන ප්‍රධානම ශිල්පීන් ගැනවත් තොරතුරක් තියෙනවද?
ගීයේ පදමාලාව ඔබට ලැබෙනවාද?
මේ වාගේ තොරතුරු ඇතුළත් කරලා තමයි පින්තාලිය අඩවි වල (මුහුණු පොත හා බ්ලොග් අඩවයේ) ඇති ගී හැමෙකක්ම පළකරලා තියෙන්නෙ. ඔබ ගීයක් බාගත්තොත් ඔබට මේ හැම දේම ලැබෙනවා.

2. කොහොම ද ඒ විස්තර බලාගන්නේ ?

ඒකට ක්‍රම ගොඩක් තියෙනවා. වඩාත් බහුලව යෙදෙන අන්දම විස්තර කරන්නම්.
අපි බොහෝ දෙනෙක් ගී අහන්න පාවිච්චි කරන්නෙ Windows Media Player එක.
ඔබ ඔබේ Player එකේ මේ සීරුමාරු කිරීම් කරන්න. Menu එකේ Play යටතේ Lyrics,captions, and Subtitles යන්න on if available ලෙස සීරුමාරු කරන්න.
දැන් ඔබට ගීය වාදනයේදී පදමාලාව දෘෂ්‍යමාන වෙනවා.
ගී ධාවනයේදී ඔබ සිටින්නේ Now Playing කවුළුව යටතේ නම් right click කර Visualization වල Album Art යන්න තෝරාගන්න. එවිට ගීයට අන්තර්ගතකොට ඇති රූපමය විස්තරයක් දෘෂ්‍යමාන වේවි.

මේ ආකාරයට ඔබේ වෙනත් Player එකක් වුව සකසා ගත හැකියි. සැකසීමේ පිළිවෙතේ යම් යම් වෙනස්කම් තියේවි. ඇතැම් Player සමග Lyrics බලාගැනීම සඳහා වෙනත් Application එකක් භාවිතා කරන්න වෙනවා. (Minilyrics වැනි)

ඔබේ පරිගණකයේ default Media Player එක ලෙස ඇත්තේ Windows Media Player එක නම් mp3 file එක මත right click කර properties වලට ගියාම හමුවන කවුළුවේ ගීයට අදාල තොරතුරු ගැබ්වී ඇති අයුරු දැකගන්න පුළුවන්. එහි Lyrics යටතේ වන අන්තර්ගතය කොපි කර notepad එකේ paste කරගත්තම ගීයේ පද මාලාව text ආකාරයෙන් දිස්වනවා.

හැබැයි මේ දේවල් ඒ ආකාරයෙන් වෙන්නේ ඔබේ පරිගණකයේ Sinhala Unicode ස්ථාපනය කර ඇත්නම් පමණයි. එහෙම තියෙනවනෙ? නැත්නම් කොහොමද මේක කියවන්නෙ?

Mediaplayernowplaying

Lyricson

3. එතකොට ගීයේ නිර්මාණ කරුවන් පිළිබඳ දත්ත ?

එම තොරතුරු ඔබ ගී අහන්න යොදාගන්නා පරිසරය මත දෘෂ්‍යමාන වීම හෝ නොවීම සිදුවනවා. ඇතැම් Player වලට එසේ දිස්වීමේ සීරුමරු කරන්න වෙනවා. default සැකසුමේ ම එවැනි සීරුමාරු කර තිබෙන්නත් පුළුවන්. ඔබ පාව්ච්චි කරණ ජංගම දුරකථන නව මාදිලියේ එකක් නම් බොහෝවිට මේ පහසුකම් අත්විඳින්න පුළුවන්.
දැන් ඔබට google player එක ඔබේ Android දුරකථනයේ ස්ථාපනය කර ගත හැකි නිසා එමගින් කෙහේ සිට හෝ පින්තාලිය අඩවියේ එසැණින් අහන්න ගී මේ පහසුකම් වලින් යුතුව අහන්න ලුළුවන්.

ඔබේ Windows Media Player එකේ ගීයක් ධාවනය වන අතරේ Library tab එක click කරන්න. දැන් දෘෂ්‍යමාන වන කවුළුවේ ගීයේ නම (Title) යටතේ right click කිරීමෙන් Adcanced tag Editor තෝරන්න. එක එකක් tab යටතේ දත්ත අන්තර්ගත කර ඇති ආකාරය දැකගන්න.

Fileproperties_Summary

Librarytab

MPtageditor

minilyrics

Advertisements
03
Nov
13

ගී අහන්න මිනිස්සුන්ට පන් පැදුරක් එළා දෙන්න

සඳුන් හරය දී කුණු මොර කන මිනිසුනි මීරියා …
නඩු නැති රටකට මොනවට පායනවද සූරියා

Pradeepa Samantha Lushan Kemadasa

ලූෂන් බුලත්සිංහල රචනා කළ,
ආචාර්ය ප්‍රේමසිරි කේමදාස ස්වර රචනය කොට සංගීතවත් කළ,
සමන්ත පෙරේරා සමගින් ප්‍රදීපා ධර්මදාස ගයන මේ ගීයත්,
තවත් ගී රාශියකුත්,
ලෝකෙ කොතැනක හිඳ හෝ එසැණින් අහන්න…
එන්න pinthaliyasongdata@gmail.com වෙත. මේ පහසුකම් අත්විඳින්න
අවසරයක් ඉල්ලා ගන්න. වෙනස ඔබට වැටහේවි.

ඇසට කඳුළු උනයි (ඇසට කඳුළු උනයි)
සැරින් සැරේ (සැරින් සැරේ)
ඝණ සැරේ (ඝණ සැරේ)
මුතු ඇටේ වෙලා ඉන්දියානු සාගරේ (මුතු ඇටේ වෙලා ඉන්දියානු සාගරේ)
එදා බුදුන් වැඩියෙ අපි නිසාලු තුන් සැරේ (බුදුන් වැඩියෙ අපි නිසාලු තුන්

සැරේ)
එහෙව් රටේ අපි තාමත් කළුවරේ (එහෙව් රටේ අපි තාමත් කළුවරේ)

අපි ඉහිලුවේ අපට නැතත් දරුවන්ටයි (ඉහිලුවේ)
හිතාගෙනයි ඉහිලුවේ හත් දෙවියනේ (හිතාගෙනයි ඉහිලුවේ හත්

දෙවියනේ – දෙවියනේ)
මේ තරම්ම ඇඬිලි දෙඩිලි
ඒ හින්දයි දෙවියනේ (ඒ හින්දයි දෙවියනේ)
බැලූ කලට ගොයම් කන්නෙ (බැලූ කලට ගොයම් කන්නෙ)
අනේ වැටයි නියරයි (අනේ වැටයි නියරයි)
මේ අමාරුකම් පවසන්නට පින් ඇත්තන් විරලයි (පින් ඇත්තන් විරලයි)

ඇසට කඳුළු උනයි (ඇසට කඳුළු උනයි)

මේ හුඟ දෙනා (හුඟ දෙනා )
අපි කන හැටි ලිපා දනී
නොකියා කී
හුඟ දෙනා  දෙනා දැන් නොකියනා (නොකියා කී හුඟ දෙනා  දෙනා දැන්

නොකියනා)
රෑ වැටුණු වල දවල් වැටුණු කල
වැටී කටින් නොකියනා (වැටී කටින් නොකියනා)
සඳුන් හරය දී කුණු මොර කන මිනිසුනි මීරියා (සඳුන් හරය දී කුණු මොර

කන මිනිසුනි මීරියා)
නඩු නැති රටකට මොනවට (නඩු නැති රටකට මොනවට )
පායනවද සූරියා (පායනවද සූරියා)

ඇසට කඳුළු උනයි (ඇසට කඳුළු උනයි)
සැරින් සැරේ (සැරින් සැරේ)
ඝණ සැරේ (ඝණ සැරේ)
මුතු ඇටේ වෙලා ඉන්දියානු සාගරේ (මුතු ඇටේ වෙලා ඉන්දියානු සාගරේ)
එදා බුදුන් වැඩියෙ අපි නිසාලු තුන් සැරේ (බුදුන් වැඩියෙ අපි නිසාලු තුන්

සැරේ)
එහෙව් රටේ අපි තාමත් කළුවරේ (කළුවරේ)

 

01
Nov
13

විනය හා විනය

මේ ලිපිය මේ අඩවියේ තේමාව වන ගීය ට අදාල නැහැ. ඒත් ඇහැ කන පියාගෙන හිටියොත් අපට ගීයක් රසවිඳින්නවත් ලොවක් තියේවිද?

එනිසා මෙය පළකරමි.

අප කරණ කුමන හෝ කාර්යයක් තුළ විනයක් පවත්වා නොගනී නම්, තමන්ටත්, අසල්වැසියාටත්, ගමටත්, රටටත්, ලෝකයටත් වන්නේ විනයක්මය.
අද අප ඉන්නේ තාක්ෂණයෙන් ඉතා ඉහළ තැනකය. එය සැබැවි.
එහෙත් තාක්ෂණය පරිහරණය කරන්නෝ ඉන්නේ කොතැනද?
නව මං සොයා යමින්, නව නිපැයුම් තනමින්, ලෝකයට දැනුම බෙදන්නෝ ඉන්නේ ඉතාම අඩු ප්‍රමාණයකි. මහත්සේ සිත කය වෙහෙසා එවැන්නන් තැනූ දේ, බොහෝ අය පරිහරණය කරන්නේ වඳුරාට දැලි පිහිය අසුවූ විලාසෙනි. මේකෙන් මොනවා කරනවාද, මේක පාවිච්චි කළ යුත්තේ කොතැනද, මේක පත්තියන්ද, නැත්ද, මූට මේ කිසිවක් ගැන තේරුමක් නැත. මූ පිහිය වනන්නේ තනිකරම පයිත්තියන් කාරයකු විලසිනි.
වැරැද්ද කොතැනද?
පාලනයක් නැති කමයි. පාලනයක් නැති තැන හික්මීමක් ප්‍රගුණ නොකළෝ නටන්නේ පිස්සුමය. ඒ පිස්සු වල විපාක හත් මුතු පරම්පරාවක්ම විඳවනවාය. අපේ ඉතිහාසයේ මේවාට ඕනෑතරම් උදාහරණ ඇත. පිස්සු කෙළින්නන් කොතැනත් බහුලය. එනිසාවෙනි අප දන්නා ඉතිහාසයේ සිටම රංචුවකට නායකයෙක් බිහිවූයේ. (පිස්සු නායකයෙකු බිහිවූවොත් අනේ උන් රැළට දෙයියන්නේම පිහිටයි.)
නායකයකු සිටියද පාලනය සඳහා නීති රීති අවශ්‍ය වේ. නීතිය ක්‍රියාත්මක නොවේ නම්, තියෙන නීතියේ හිඩැස්, අඩු ලුහුඬුකම් තිබේ නම් නායකයකු සිටියද වැඩක් නැත. හෙට දවසේ යහපත් ලොවක් තිබෙන්නට නම්, රැහේ නායකයා අතිශය විනයගරුක, හික්මීමක් ඇති, මනා සංයමයක් ඇති, දුර දක්නා නුවණින් හෙබි, දැහැමි පුද්ගලයෙකු විය යුතුය. ඔය සියල්ල 100% ක් පිහිටි කවරෙකු හෝ නැති බවද සැබෑය.
හොඳ නායකයකු ඇති කල ඔක්කොම හරිද?
රහතන් වහන්සේලා සිටිද්දී වජ්ජී භික්ෂුන් ද සිටියහ. අජාසත්ත සිටියේ බිම්බිසාර සිටයදීමය. අහිංසක ව, අංගුලිමාල කරවූවෝ සිටියේ එකම විටය. නාලාගිරි ලා ආලවකලා ජුදාස්ලා ගැන අප නොදන්නවාද? ඒත් එදා සිටම අදත් පිස්සු කෙළීම පවතී. හෙටත් පවතින්නේය. ඒ ලෝකෙ හැටිය.
බුදුන් වහන්සේට මේ ඔක්කොම ගොඩදාන්න හැකිවූයේ නැත. යේසුස් ක්‍රිස්තුස් වහන්සේට හෝ මොහම්මද් තුමාට හෝ ද නොහැකි විය. ලෝකය යන්නේ එහෙමය. පිස්සු කෙළීම යහපත් සමාජයක් පැවතීමට එරෙහිව ක්‍රියාකාරකම් වල නියැලීම, යන කාරණයන් උච්ච වීම, ලෝක විනාසයයි. මිනිසාගේ විනාසයයි.
කලින් කලට ශ්‍රාස්තූවරු පහලවන්නේ මේ ඔද්දල් වූ සමාජය පිරිපහදු කිරීමටයි. නායකයෙක් (යහපත් නායකයන්) පහලවන්නේ රැල යහමගේ දක්කාගෙන යාමටයි.
ඒත් නායකයාට සියල්ල කළ නොහැක්කේය. ඔහුට සහය අවශ්‍යය. නිවැරදි කළයුතු තැන් පෙන්වා දෙන උපදේශකයන් අවශ්‍යය. ඒ හැමගේ අරමුණ විය යුත්තේ යහපත් හෙට දවසක් ගොඩනැගීම විය යුතුය.
අද හැමතැනම යන්නේ බල අරගලය පිළිබඳ ගේමක්ය. මොන මගෝඩියක් පාහර වැඩක් කරලා හරි බලය ගොඩනගාගන්න හදන එවුන් සුර සිහින දැක්කාට, උන්ට සුර ලෝකයක් නැත. ඒ බව හැම ශ්‍රාස්තූන් වහන්සේලාම දේශනා කර ඇති නුමුත්, ඒක දන්නේ ද යමක් කමක් තේරුම් ගත හැකි සොච්චමක්මය. ඒත් මුන් ගේ මේ ගේම අස්සේ අගාදයට යන්නේ, හෙට දවසය. සමාජය දූෂ්‍ය කරණ නොයෙකුත් දේ වපුරමින් තම අරමුණු හරි කර ගන්නට දඟලන හැත්තට, හෙට ලෝකය පේන්නේ නැත. හෙට දවස යහපත් විය යුතුයැයි චින්තනයක් උන්ට නැත.
ඉදින් මේ විගඩම් කෙළිය මෙහෙම යන්න ඇරලා බලා හිටියොත් අධිවේගයෙන් විනාසයට ළඟාවිය හැක. අද සිදුවී ඇති ලොකුම වින්නැහිය නම් සමාජය විසෙන් සම්තෘප්ත තත්වයකට පත්ව තිබීමයි. ඒ බැව් අද සමජයට තේරෙන්නේ නැතිවා
මෙන්ම, තේරෙන්න ඉඩක් හරින්නේද නැත. බල අරගලයේ ඉන්නෝ ඉතා සූක්ෂ්මව සමාජයට විස පොවත්. බැලූ බැල්මට හරි ෂෝක් වැඩය. එහෙත් යටින් යන්නේ මුළු මහත් මිනිස් සංහතියම විනාස කරණ මූල්‍යමය හෝ බලය තකා වූ තුච්ඡ වැඩපිළිවෙලක්ය.
මේ නස්පත්තියට ප්‍රධානම හේතුව විනය පිරිහීමය. ඊයේ ජාතික රූපවාහිනියේ සජීවී වැඩසටනකට සහභාගි වූ කොළඹ විශ්ව විද්‍යාලයේ කුලපති ආචාර්ය කුමාර හිරිඹුරේගම මැතිතුමා පැවසූ වචන ටිකක් අහම්බෙන් මගේ කණට ඇහුණමුත් අවාසනාවකට මුළු කතාව ශ්‍රවණයට අවස්ථාවක් නොලද්දෙමි. ඔහු කීවේ තමා පාසල් යන විට තම පාසැලේ ඔහුට වෙසෙසින්ම ඉගැන්වූයේ විෂය දැනුමට වඩා විනය බවයි. මගේ පංතියේම ශිල්ප හැදෑරූ එතුමා කී කාරණය ඌනපූරණයක් ඇතිව මම මෙසේ කියමි.
අපට එකල විනය විෂයක් ලෙස ඉගැන්වූවා නොවේ. එකල අපේ ගුරුවරු අපට ගුරුහරුකම් දුන්නේ විනයක් නැතිව ශිල්ප ශාස්ත්‍රය හැදෑරුවාට වැඩක් නොමැති බව පසක් වන අයුරින්ය . හැමවිටම ඔවුන් ක්‍රියා කළේ අපට ඒ බව දැනෙන අයුරින්ය. එවන් පරිසරයක් අපේ පාසලේ තිබුණු බව මා ද මතක් කරන්නේ අපේ ගුරු දෙවිවරුන්ට භක්ති ප්‍රණාමය ද පුදකරමිනි.
ඇස් ඇර බලන්න. නුවණින් දකින්න. ඔබ කරන්නේ කුමක්ද? හෙට ලෝකය විනාශ මුඛයට ඇද දමන දෙයක් නම් ඔබෙන් සිදු වන්නේ, ඔබ පව්කාරයෙකි. අප හැමෝම තරඟයකය. ඒ තරඟය දිනන්න හදන්නේ ප්‍රෝඩාවකින් නම්, මගෝඩියකින් නම් ඔබ ගෙල සිඳින්නේ ඔබේම පුතණුවන්ගේය. ඔබ කෙළසන්නේ ඔබේම දියණියය. ඔබ නින්දා කරන්නේ ඔබේම පරපුරටය. ඔබේ රටටය. සමස්ථ මිනිස් සංහතියටමය.

එතකොට මේ අපි විතරද ඔය විනය රකින්න ඔනේ? මහ එවුන් ට ඕන එකක් කැපයි ද? උන් කරණ පාහරකම් දස සුනඛ වැඩ ඕකේ ද? යැයි නහරයෙක් කියනු ඇත. කෝ හික්මීම? කෝ කාරණා කාරණා තේරුම් ගැනීමේ ශක්තිය? මේවා සූක්ෂ්ම ලෙස ඔබෙන් පලවා හැරලා. ඉඳුරන් පිනවීමටම මුල් තැන දෙමින් ඇතුරූ දහසක් විස ව්‍යාපාර වලින් ඔබේ මනස අවුල් කරලා. තරුණ දිවිය තුළ අරගලයට ඇති නැඹුරුව දන්නා මේ දුෂ්ට හැතිකරය ඔබේ ඒ ශක්තීන් යොදාගෙන තියෙන්නෙ ලෝකය ගොඩනගන්න නොවෙයි, ඔවුන්ගේ පටු අරමුණු සාක්ෂාත් කරගන්න. ඔබ මුලාවෙලා.
ජනාධිපති තුමා ඊයෙ පෙරේදා දවසක FACEBOOK එකේ නොදකින යහළුවන් ගැන පවසමින් ඔබට තේරුම් කරන්න හැදුවෙ, ඒ තුළ විය හැකි අනර්ථයන්, විනාසයන් ගැන ඔබට කියා දෙන්න. ඒක ඇතැමෙක් එතුමා FACEBOOK විරෝධියෙක් ලෙස හුවා දක්වන්න යොදාගෙන තියෙනවා.
එතනත් කාරණා තේරුම් ගැනීමේ නුවණේ බාලකම. ඔන්න හොඳ පොටක්
දෙන්නම් වැඩේ.
මම කලිනුත් සඳහන් කළා සේ හික්මීම, විනය වගේ දේවල් මිනිහෙකුගේ ජීවිතයේ දවසින් දෙකෙන් ගොඩනගා ගත හැකි දේවල් නොවේ. ඒවා බොහෝ කාලයක් තුල හොඳ ගුරුහරුකම් මැද ප්‍රගූණකිරීම තුලින් වගා කරගත යුතු ගුණාංග. පහුගිය දශක තුන හතරක කාලයේදී අපේ රටේ මිනිස්සු අතරින් මේ උතුම් ගුණාංග පලා ගියා. පලා යන තැනට විනේ කැටුවා. ශාපේ තොපි කාට වුනත් හෙටත් මෙහෙම වෙන්න ඇරලා බලාහිටියොත් ඔබත් ඒකට සම්මාදම් කාරයෙක්.

01
Nov
13

ස්වර්ණමාලි හා රත්නවල්ලි පැටලිල්ල

…….  මේ ආකාරයෙන් මෙම මහා ස්ථූපය කරවන්නට සියළු පිරිකර සම්පූර්ණ වුණ කල්හී වෙසක් පුන් පොහෝ දිනයෙහි මහා සෑය කරවන්නට සූදානම් වී මුල් වැඩ අරඹන ලද්දේය. එහිදී මහා සෑය බිමෙහි පිහිටි එක්තරා රන්තෙළඹු ගසක් ඉවත් කළ යුතු වූයේය. එකල්හී එහි විමන් තනා සිටි ස්වර්ණමාලී නම් පිනැති දෙව් දුවක් රහතන් වහන්සේලා මුණගැසී ඇගේ දිව්යඑ විමානය පිහිටි රන් තෙළඹු ගස ඉවත් නොකරන්නැයි ඉල්ලා සිටියයා. එවිට මහ රහතන් වහන්සේලා ඒ දෙවඟනට මහා ස්ථූපයේ ආනුභාව ගැන පවසා වෙන විමානයකට යන්නට සුදුසු රුකක් පෙන්වා දුන් සේක. ස්වර්ණමාලී දෙව් දුව රහතන් වහන්සේලා ගේ ආයාචනයට සතුටු වී තෙළඹු ගසින් ඉවත්ව වෙන විමානයකට යන්නට කැමැත්ත පළකර සිටියාය. ඕතොමෝ ඉල්ලීමක් ද කරන්නී සෑයට තම නම තබන ලෙස ද රහතන් වහන්සේලාගෙන් අයැද සිටියාය. එකල්හී එයට සවන් දෙන රහතන් වහන්සේලා එනමින් සෑය බැඳීම සුදුසු යැයි දුටුගැමුණු රජතුමාට දැනුම් දුන්නාහුය.

මේ ස්වර්ණමාලිය සම්බන්ධ කතාවයි.
මහගම සේකර ලියූ පණ්ඩිත් අමරදේවයන් ගැයූ මේ ගීය දෙසත් විමසුම් ඇසක් යොමු කරන්න.

ඔබේ නමින් සෑය බඳිමි
විමානයෙන් බසිනු මැනවි
ස්වර්ණමාලියේ
රූබර ස්වර්ණමාලියේ
ස්වර්ණමාලියේ

ඔබේ නමින් සෑය බඳිමි
විමානයෙන් බසිනු මැනවි

උනා නීල වර්ණ වරල
දෑලේ මල් ගැවසි ලියේ
නගා ඉන්ද්‍ර චාප දෙබැම
ඇසින් විදුලි මවන ලියේ
වනා ළමැද කිණිහිරි පෙති
රත්න තිලක පැළඳි ලියේ
සිනාසිසි විමානයෙන්
බසින්න ස්වර්ණමාලියේ
ස්වර්ණමාලියේ
රූබර ස්වර්ණමාලියේ
ස්වර්ණමාලියේ

බාල චන්ද්‍ර පටු නළලත
අලක අඳුන් අඳින ලියේ
ආල වඩන දන්ත කැකුළු
කුන්ද සමන් පිපෙන ලියේ
දෑල දෑත ස්වර්ණ දාම
තාල හඬට හඩන ලියේ
කෝල නොවී විමානයෙන්
බසින්න ස්වර්ණමාලියේ
ස්වර්ණමාලියේ
රූබර ස්වර්ණමාලියේ
ස්වර්ණමාලියේ

ඔබේ නමින් සෑය බඳිමි
විමානයෙන් බසිනු මැනවි
ස්වර්ණමාලියේ
රූබර ස්වර්ණමාලියේ
ස්වර්ණමාලියේ

ඉංග්‍රීසි ජාතික ඇල්. ඩී. බර්නාඩ් මහතා විසින් රචිත ග්‍රන්ථයක මෙසේ සඳහන් වේ.

සූර්ය වංශයෙන් පැවත එන බව කියන මිනිස්‌ දෙව්දුවක්‌ වශයෙන් ප්‍රසිද්ධ වූ රත්නවල්ලිය ගේ වාසස්‌ථානය වූයේ තෙලඹු ගසයි. මේ තෙලඹු ගස පිහිටියේ අනුරාධපුර ප්‍රදේශයේය. තෙලඹු ගසේ වාසය කරන රත්නවල්ලියට පුද පූජා පැවැත්වීම එකල රොඩී ජනයාගේ සිරිත විය. මේ අතර දුටුගැමුණු රජතුමා රුවන්වැලි දාගැබ පිහිටුවීමට තෙලඹු ගස පිහිටි ස්‌ථානය තෝරාගත් බවද සඳහන් වේ. එහෙයින් දේවතා දුවට බිලි පූජා පවත්වා සතුටු කිරීමෙන් දාගැබ තැනීම සඳහා ගස කැපීමට හැකි වෙතැයි රජතුමා කල්පනා කර ඇත. ඒ අනුව රජතුමා දේවතා දුවට බිලි පූජා පැවැත්වීය. අනතුරුව සාදන දාගැබ සඳහා රුවන්වැලි යන නම තබන්නේ නම් ගසින් බැස කැපීමට ඉඩදෙන බව රත්නාවලී දෙව්දුව රජතුමාට කියා ඇත. දෙව්දුවගේ අවසරයෙන් දුටුගැමුණු රජතුමා තෙලඹු ගස කපා එම ස්‌ථානයේ දාගැබ සාදා රුවන්වැලි යන නම යෙදුවේය.

එහෙත් සාහිත්‍යකරුවා විසින් කාල වකවානු ගැන විමසීමක් නොකර පැරකුම්බා රජ දියණී රත්නවල්ලිය තෙළඹු ගසක් හා පටලවමින් මෙවන් වූ කතාවක් කියයි.

1887 දී එවකට ලංකාවේ සිවිල් සේවයේ යෙදී සිටි ඉංග්‍රීසි ජාතික හ්‍යු නෙවිල් මහතා විසින් 1887 දී රත්නවල්ලි කවිවල එකතුවක්‌ තැප්‍රොබේනියන් නමැති සඟරාවක පළකරන ලද බවත් එයට කවි 13 ක්‌ ඇතුළත් වූ බවත් සඳහන් වේ.
එයට සිංහල කාව්‍ය ඉතිහාසයේ උසස්‌ තැනක්‌ හිමිවී තිබීම සැලකිය යුත්තකි. හ්‍යු නෙවිල් මහතා එම රත්නවල්ලි කවි සොයාගෙන ඇත්තේ වන්නිය ප්‍රදේශයෙනි. වන්නියේ රොඩී ජනයා අතර ප්‍රචලිතව තිබූ මෙම කවි වලින් පළමුවන කවි තුන මෙසේය. මේ කවි රත්නපුර දිස්ත්‍රික්‌කයේ තලාවිටිය ගමේ කුප්පායමක ජීවත්වූ වාසනාවල්ලී නම් කාන්තාවන් විසින් ගායනා කරනු ලැබීය. රත්නවල්ලි කවිවල තේරුම් ගෙන දෙනු අන්දමට රොඩී ජනතාවගේ ප්‍රභවය පැරකුම් රජුගේ දුව වන රත්නවල්ලි දක්‌වා ගෙන යා හැකි බව හ්‍යු නෙවිල් මහතා තවදුරටත් කියා ඇත.

නිල්බර නිල් රුකට පිටදී උන්නු ලියේ
නිල්බර නිල් වරළ ගවසා බැන්ද ලියේ
පිල්බර කඳන්වල පැහැපත් කරන ලියේ
නිල්බර තෙලඹුවෙන් බහු රත්න වල්ලියේ

ගනසා මඬුල්ලෙන් ගැවසුන රුක්‌ කඳට පිටදී සිටින නිල්වන් කෙස්‌ කළඹින් යුතු කාන්තාව මොණරකු මෙන් පැහැබර රත්නවල්ලියනි නිල්වන් තෙලඹු ගසින් බසින්න.

ඈත සිටන් එන්න සෙල්ලි සෙල්ලියේ
මෑත සිටන් එන්නෙ මෙල්ලි මෙල්ලියේ
කරේ බැන්ද පවලන් වැල නොසෙල්ලියේ
පැරකුම් රජුගෙ දුව නවරත්න වල්ලියේ

නටමින් ඈත සිට ඔබ එන්නෙහිය. මුදු කෝමළ තැනැත්තිය ඔබ දැන් ළඟ සිට එන්නෙහිය. පබලු වලින් අලංකාරව නිසලව එන පැරකුම්බා රජුගෙ දුව වන නවරත්න වල්ලිය.

සීත සුලං සල් ඔලියෙල් ඇන්ද ලියේ
ගාත ගීත උන ඉසරද නැද්ද ලියේ
බීත කරන මුතු මාලා බැන්ද ලියේ
ගාතා අසන්නට වර රත්න වල්ලියේ

සීතල මුදු සල්මල් වලින් කළ මල් මාලාවකින් සැරසී සිටින කාන්තාව නුඹට උණයක්‌ හිසරදයක්‌වත් වැළඳෙන්නේ නැද්ද? භයංකර පබළු වැල් පළඳින්නාවූ රත්නවල්ලියනි අපගේ ගාථා අසන්නට අප වෙත එන්න

රත්නවල්ලි කවි ගැනත් රොඩී ජනයා ගැනත්  හ්‍යු නෙවිල් මහතා ඉහතින් සඳහන් කළ විස්‌තර අනුව රත්නවල්ලිය තෙලඹු ගස වාසස්‌ථානය කරගත් මිනිස්‌ දෙව්දුවක්‌ බව සඳහන් කර ඇත. එහෙත් ඒ මහතා සොයාගත් තවත් කතාවකින් කියවෙන්නේ රත්නවල්ලිය දෙව්දුවක්‌ නොවන බවය. ඇය ලංකාවේ රජ කෙනකුගේ දුවක්‌ බවත් රොඩී ජනයා ඇයට සලකනු ලබන්නේ රජතුමාගේ දුවක්‌ ලෙසිනි. රජතුමාගේ දුව මිනීමස්‌ කෑමට ආශා කළ නිසා ඒ ගැන කලකිරී සිටි රජතෙමේ සිය දුව රොඩියකුට නැතහොත් දඩයම් කරුවකුට සරණපාවා දුන් බවත් කියවේ.

රත්නපුර දිස්‌ත්‍රික්‌කයේ තලාපිටිය කුප්පායමේ වාසනාවල්ලි විසින් ගායනා කරන ලද තවත් කවි කීපයකින් මේ බව ඔප්පු වේ.

උඩුමාලෙන් බැහැපන් රත්න වල්ලියේ
සළු පළඳින්නට බැහැපන් රත්න වල්ලියේ
මුතු පළඳින්නට බැහැපන් රත්න වල්ලියේ
රොඩියට දෙන්ට බැහැපන් රත්න වල්ලියේ

අතමුල වළලු අතමුල සෙලෙවි සෙලවියේ
පාමුල ගිගිරි පාමුල සෙලෙවි සෙලෙවියේ
කරේ තියෙන මුතු දෙපොටත් නොසෙල්ලියේ
සබේ මැදට බහුකෝ රත්නවල්ලියේ

කොතනක සිටන් එන්නෙ ඇල්ලි මැල්ලියේ
රුහුණේ සිටන් එන්නෙ ඇල්ලි මැල්ලියේ
දෙපයේ ලාපු ගිගිරින් සෙල්ලි සෙල්ලියේ
පැරකුම් රජුගෙ දුව නවරත්න වල්ලියේ

(1952 පෙබරවාරි 10 දින ශාස්‌ත්‍රාචාර්ය සී. ඇම්. ඔස්‌ටින් ද සිල්වා මහතා සිළුමිණ පත්‍රයට සැපයූ ලිපියක් ඇසුරිණි)

දැන් මේ රත්නවල්ලිය පැරකුම් රජුගෙ දුව බවකුත්, තෙළඹු ගහකට හා රොඩී නම් ජන කොට්ඨාශයකට සම්බන්ධ පුවතක් ඇති බවකුත් කියැවේ. පැහැදිලි වන්නේ රත්නවල්ලි කවි ලියූ සාහිත්‍යකරුවා ඉතිහාසය හෝ කාලවකවානු හෝ ගැන සැලකිලිමත් නොවී ජන වහරේ ආ කතා කීපයක් ඇසුරින් එම රත්නවල්ලි කවි ලියූ බවයි.

ඉතිහාසය සම්බන්ධ වාර්තා තැබුවෝ ද සොයාගත් තොරතුරු ලියා තැබීමේදී කළ වැරදිද බොහොමයකි. (චෛත්‍යයක් තනන්නට බිලි පූජා කළැයි කීම අදහන්නට බැරිය)
වෙන්නට ඇතැයි අනුමාන කළ හැකි දෙය හැටියට මට තේරුම් යන්නේ අනුරාධපුරයේ ස්වර්ණමාලිය හා පැරකුම් රජුගේ දියණී රත්නවල්ලිය පටලවා ගැනීමකි.
ස්වරණමාලි, රත්නමාලී, රත්නාවලී, රත්නවල්ලී ලෙස පටලැවිල්ලක් වූයේ සාහිත්‍යකරුගේ අතිනි. කාල වකවානු දෙකෙහිදීම රොඩී ජන කොට්ඨාශයක් විසූ බවට ජනප්‍රවාද පැවතීම ද සාහිත්‍යකරුවාගේ පැටලිල්ලට තවත් හේතුවක් වන්නට ඇත.

වැරදි සිදුවීම මනුස්ස ස්වභාවයයි. එහෙත් වැරැද්ද නිවැරදි කර ගත යුතුය. එසේ නොකළහොත් හෙට අප එරෙන්නේ ගොඩ එන්නට අමාරු ගොහොරුවකය.
මා මේ ගෙනහැර දක්වන ගීය රසයෙන් අඩු නැත. එහෙත් තවදුරටත් සිදුවූ වැරැද්දක් ඇදගෙනයාමක් එහි දක්නට ලැබේ.

නිල් වන් තෙළඹුවෙන් බැස ඇයි යන්ට කියන්නේ
මහ වන්නිකරේ උන්ටයි පාඩුව ඇතිවන්නේ

නුඹෙ නමින් සෑය බදිමි මා දිවුරන්නේ
මගෙ කන්නලව්ව ඉවසනවද රත්නවල්ලියේ

සිත භීත කරයි මා අසරණ වේද රජුන්නේ
මහ සෑය බදින්නට වෙන තැන් නැද්ද සොයන්නේ

මහ සෑය පුරා මල් දමකට නුඹ ගැලපෙන්නේ
ඔය තෙළඹු ගසින් බැස වැඩපන් ස්වර්ණමාලියේ

නිල් වන් තෙළඹුවෙන් බැස ඇයි යන්ට කියන්නේ
මහ වන්නිකරේ උන්ටයි පාඩුව ඇතිවන්නේ

ඔය අගේ වඩන රන් තෙළඹුව නොසිත ලොභා
නුඹ මගේ අණසකට ඉහළින් යන්ට එපා

වෙන සහේ යන්ට මට කුලයක් නොමැත සුබා
මගෙ ගාඩි වංශයට යනකල් නම් අසුභා

නිල් වන් තෙළඹුවෙන් බැස ඇයි යන්ට කියන්නේ
මහ වන්නිකරේ උන්ටයි පාඩුව ඇතිවන්නේ

නුඹෙ නමින් සෑය බදිමි මා දිවුරන්නේ
මගෙ කන්නලව්ව ඉවසනවද රත්නවල්ලියේ

ගීය ගයන්නේ සේනානායක වේරලියද්ද සමග කුමාරි මුණසිංහයි.

නුවන් සපිරි ඉඳුනිල් මින සේම සුදිලියේ
අලන්කාර ගෙලවට රන්මාල බැබලි යේ
උතුන් තිසරනේ අනුහස් හැඳින දෙව්ලියේ
මෙරන් තෙළඹුවෙන් බැස පල ස්වර්ණමාලියේ

ලෝක සතට මොක් සිරි ගෙන දෙන සෙ ප්‍රීති යේ
ලෝක නාත මුනි දාතුන් තබා ගර්බ යේ
නේක රුවින් සෑ බඳවමි මෙගරු බූමි යේ
සෝ ක නොවම බැස පල අද ස්වර්ණ මාලි යේ

සක් බඹ සර සුර නරන් ආදි සතට දෙව් ලියේ
මෙත් කොට පිං අනුමෝදන් කරමි ප්‍රීතියේ
එක්කම පිංදෙමි නුඹටද මෙමම සුරලියේ
මොක් සැප පතමින් බැස පල ස්වර්ණසමාලි යේ

මනා රුවින් තෙළඹූව උඩ සිටින ලියේ
සිනා බසින් දන මන තුටු කරන ලියේ
දිලේ නුවන් නිල් මිනි පරදන සෙ ලියේ
ඉතා සැනින් බැස පල ස්වර්ණනමාලි යේ

උවනය දිලෙයි පායන පුර සඳසෙ ලියේ
හුනු විය මහද නුඹ කියනා බසට ලියේ
අලලිය මල් කැකුල සෙ රුව දිලෙන ලියේ
බැසපිය තෙළඹූවෙන් අද ස්වර්ණලමාලි යේ

රන්වන් එරන්වන් රන්වන් කොමළ ලියේ
රන්වන් එරන්වන් ගෝමර බඳ දිලි යේ
රන්වන් එරන්වන් නුඹෙ රුව කළ එලියේ
රන්වන් තෙළඹුවෙන් බසු ස්වර්ණමාලියේ
http://si.wikibooks.org/

මෑත කාලයේ රචිත රත්නවල්ලි ගී වලට මේ සැහැල්ල ද පාදක කරගන්නට ඇත.

ඉතිහාසය හෙළිදරව් කරගැනීමට ඇති මූලාශ්‍ර ලෙස ගන්නා ලේඛන වල පටලැවිලි රාශියකි.

(මතු සම්බන්ධයි)

23
Oct
13

එසැණින් ගී අහන්න

ලෝකෙ කොතැනක හෝ සිට එසැණින් ඔබ කැමති ගීයක් අහන්න. ගීයේ පද රචනය හා කතෘත්වය පිළිබඳ තොරතුරු ද සමගින් ගීය බාගැනීමට ද හැකි මේ අඩවියේ, පහසුකම් අත්විඳීමට ඔබ කළ යුත්තේ pinthaliyasongdata@gmail.com වෙත ඉල්ලීමක් කරමින් ලියාපදිංචි වීම පමණයි. කොහෙන් හෝ ගීයක් බාගෙන අහනවාට වැඩි යමක් මෙහි ඇති බව ඔබට පසක් වේවි. ගී පදමාලාව හා නිර්මාන දායකත්වය යන තොරතුරු ගීයටම අන්තර්ගත කර ඇති ගී එකතුවක් පවත්වාගෙන යන එකම අඩවිය “පින්තාලිය’ පමණි.

පහත ගායක ගායිකාවන්ගේ ගී, දැන් ඔබට අහන්න/බාගන්න පුළුවන්. (දැනට උත්පතනය කොට ඇති ගී සංඛ්‍යාව)

ආචාර්ය පණ්ඩිත් ඩබ්.ඩී. අමරදේව  (100)
ආචාර්ය වික්ටර් රත්නායක (185)
විශාරද සුනිල් එදිරිසිංහ   (100)
විශාරද බණ්ඩාර අතාවුද (13)
මහාචාර්ය සංගීත් නිපුන් සනත් නන්දසිරි (32)
ප්‍රියා සූරියසේන  (42)
අබේවර්ධන බාලසූරිය (27)
නිරංජලා සරෝජිනී (22)
කරුණාරත්න දිවුල්ගනේ   (63)
ග්‍රේෂන් ආනන්ද  (10)
අමරසිරි පීරිස්  (100)
සේනානායක වේරලියද්ද (21)
ප්‍රදීපා ධර්මදාස  (35)
ඉන්ද්‍රානි පෙරේරා (15)
නිරෝෂා විරාජිනී (51)

මිල්ටන් මල්ලවාරච්චි (50)

ආචාර්ය දයාරත්න රණතුංග (17) (දැනට එකතුවෙමින් පවතී)

AMARADEWA (1) Sanath Victor Rathnayake බණ්ඩාර අතාවුද Sunil

Niranjala Abey Priya Suriyasena  Diwul Dayarathna

Pradeepa Weraliyadda3 Amarasiri 5 Nirosha Virajini Greshan

09
Oct
13

බණ්ඩාර අතාවුද ගී සමුච්චය

Athavudagee2

ඔබ ඈත සඳ වී පායා
මම මෑත තරුවක පිපිලා
මේ නිසල රැයේ ලොව නිදනා
මා ඔබ – ඔබ මා
ළඟ ඉන්නා

අප දුරින් දුරක වුව තනියේ
නෙත් සරින් පමණි හමු වූයේ

ඒ ඈත් බවෙහි හද බඳුණේ
සෙනෙහසේ සොඳුරු බව පිරුණේ

ඔබ ඈත සඳ වී පායා
මම මෑත තරුවක පිපිලා
මේ නිසල රැයේ ලොව නිදනා
මා ඔබ – ඔබ මා
ළඟ ඉන්නා

මධු සඳ තරු අද හමුවීලා
සිටියද ඔබ මා ළං වීලා

ඒ දුරක එදා අප පිපිලා
තිබූ සොඳුරු සෙනේ ගඟ සිඳිලා

ඔබ ඈත සඳ වී පායා
මම මෑත තරුවක පිපිලා
මේ නිසල රැයේ ලොව නිදනා
මා ඔබ – ඔබ මා
ළඟ ඉන්නා

ගායනය – බණ්ඩාර අතාවුද
පද රචනය – ජයලත් මනෝරත්න
තනුව – එච්.එම්. ජයවර්ධන


රුවන් තාරකා නුවන් පායලා
හිඳින් හදවතේ රැඳී වේදනා නිවා …//

නිසල රැයේ
නැඟෙන සඳේ
සිසිල වූ ඔබේ
සෙවණ ඇගේ
සුවය ගෙනේ
නිබඳ මා වෙතේ ….//
නිබඳ මා වෙතේ

රුවන් තාරකා නුවන් පායලා
හිඳින් හදවතේ රැඳී වේදනා නිවා

තිසර විලේ
පිපුණු මලේ
රැඳූණු ආදරේ
සුවඳ ගෙනේ
සතර දෙසේ
යොවුන් මාවතේ ….//
යොවුන් මාවතේ

රුවන් තාරකා නුවන් පායලා
හිඳින් හදවතේ රැඳී වේදනා නිවා

ගායනය – බණ්ඩාර අතාවුද
පද රචනය – කුමාරදාස සපුතන්ත්‍රී
තනුව – රෝහණ වීරසිංහ

හ්ම් හ්ම්ම්ම් ම්ම් ම්
හහා හා හහ හාහා

සිහිනයකි ඔබ නිහඬ මැදියම් රෑ
නිදන නෙත් යුග සනසනා
සිතුම් රැළි ඔබ තනිව හිදි වේලේ
නිහඬ මා හද සනසනා

ඉරකි ඔබ මට
සදකි ඔබ මට
කිසිදු කිසි විට සමුනොගන්නා
සයුරු රළ ඔබ
ඈත සමුදුර
සයුරු තෙර මා හමුවනා

සිහිනයකි ඔබ නිහඬ මැදියම් රෑ
නිදන නෙත් යුග සනසනා
සිතුම් රැළි ඔබ තනිව හිදි වේලේ
නිහඬ මා හද සනසනා

යුග ගණන් අප
වෙන්ව ආ මඟ
සොදුරු නිම්නෙක එක්වෙලා
දුක් සුසුම් නැති
අපේ ලොව තුල
සිනා මල් පෙති විසිරිලා

හිරුට තනි නැත සදුත් නැත තනිවී
එකම අහසක හමුවෙලා
ලොවම සසලව බලා සිටියාවේ
යලිදු අප ඇත ළංවෙලා

හ්ම් හ්ම්ම්ම් ම්ම් ම්
හහා හා හහ හාහා …///

ගායනය – බණ්ඩාර අතාවුද සමග නිරංජලා සරෝජිනී
පද රචනය – කුසුම් පීරිස්
තනුව – එච්.එම්. ජයවර්ධන

හාහ හා හාහ හා
හ්ම් හ්ම් හ්ම් හ්ම් හ්ම්ම්
සිතුවිලි සිරවී හදවත පතුලේ
ඉකිබිඳ වැල‍පෙනවා
රුව සැංගී මගෙ මතකය අතරේ
නෙත් අසරණ වෙනවා

ඔබෙ සෙනෙහස දැක සැඟවෙනු කෙලෙසද
නෑ මට තවමත් වැටහෙන්නේ
සුසුම් නිම්නයේ තනිවන්නට නම්
මේ ලෙස ඇයි අප හමුවන්නේ

සිතුවිලි සිරවී හදවත පතුලේ
ඉකිබිඳ වැල‍පෙනවා
රුව සැංගී මගෙ මතකය අතරේ
නෙත් අසරණ වෙනවා

මිලාන වූ මල් ඉකිබිඳ වැලපේ
විකසිත කුසුමන් හිනැහෙද්දී
ලොව දහසක් නෙත් හිනැහෙන මොහොතේ
ඔබේ මගේ ලොව කඳුළු දකී

සිතුවිලි සිරවී හදවත පතුලේ
ඉකිබිඳ වැල‍පෙනවා
රුව සැංගී මගෙ මතකය අතරේ
නෙත් අසරණ වෙනවා

හාහ හා හාහ හා
හ්ම් හ්ම් හ්ම් හ්ම් හ්ම්ම් …///

ගායනය – බණ්ඩාර අතාවුද
පද රචනය – කුසුම් පීරිස්
තනුව – එච්.එම්. ජයවර්ධන

අශාවේ මල් වැටෙන් එබී
නිලුපුල් දෑසින් මදෙස බැලූ
නයන කළූ ඔඹ මගේ කළූ
නයන කළූ ඔඹ මගේ කළූ

රෑ නිල් අහසේ
නිදන සඳවතී …//
අදින සළු.. මිදුලෙ එලූ
අදින සළු.. මිදුලෙ එලූ
සුන්දර නින්දේ මා සිහිවෙනවද
කියනු කළූ මට කියනු කළූ

අශාවේ මල් වැටෙන් එබී
නිලුපුල් දෑසින් මදෙස බැලූ
නයන කළූ ඔඹ මගේ කළූ
නයන කළූ ඔඹ මගේ කළූ

පායන සඳ සේ
රුසිරු හසරැළී …//
දෙතොල වෙලූ.. නයන කළූ
දෙතොල වෙලූ.. නයන කළූ

සුන්දර මොහොතේ මා සිහිවෙනවද
කියනු කළූ මට කියනු කළූ

අශාවේ මල් වැටෙන් එබී
නිලුපුල් දෑසින් මදෙස බැලූ
නයන කළූ ඔඹ මගේ කළූ
නයන කළූ ඔඹ මගේ කළූ

ගායනය – බණ්ඩාර අතාවුද
පද රචනය – ඩෝල්ටන් අල්විස්
තනුව – ගුණදාස කපුගේ


නන් සුරන් බැතියෙන් පිදූ සරු පින් බිමක් විය මිහිතලේ (මිහිතලේ)
රන් සඳක් විලසින් දිලේ එය මේ අපේ තුන් සිංහලේ (සිංහලේ)

දෙස් විදෙස් පතලාවු කිත් යසසින් මෙවන් පසුබා සැදී (පසුබා සැදී)
මී මුතුන් සුවහස් ගණන් විය මව් බිමේ නාමෙන් බැඳී (නාමෙන් බැඳී)

සීහලේ සුවඳින් ලැබූ නව ජීවයෙන් පිබිදී නැගී (පිබිදී නැගී)
උන් මළත් අපගේ විකුම් විමසා සදා නොනිඳා හිඳී (නොනිඳා හිඳී)

නන් සුරන් බැතියෙන් පිදූ සරු පින් බිමක් විය මිහිතලේ (මිහිතලේ)
රන් සඳක් විලසින් දිලේ එය මේ අපේ තුන් සිංහලේ (සිංහලේ)

දැන් නැතත් ඒ ශ්‍රී විභූතිය ඒ ලෙසින් සදනා යුගේ (සදනා යුගේ)
උන් ගැයූ අභිමාන ගී ස්වරයෙන් සැළේ හදවත් අපේ (හදවත් අපේ)

මින් මතුත් මේ මව් කුසේ උණුසුම පැතූ දරුවන් ලෙසේ (දරුවන් ලෙසේ)
පින් පුරව් සිහළුනි ඉපදී මියෙන්නට සිංහලේ (සිංහලේ)

නන් සුරන් බැතියෙන් පිදූ සරු පින් බිමක් විය මිහිතලේ (මිහිතලේ)
රන් සඳක් විලසින් දිලේ එය මේ අපේ තුන් සිංහලේ (සිංහලේ)

ගායනය – බණ්ඩාර අතාවුද
පද රචනය – කුමාරදාස සපුතන්ත්‍රී
තනුව – රෝහණ වීරසිංහ

ම් ම්ම් ම්ම්ම්ම් ම් ම්ම් ම්ම්ම්ම්..//
මගෙ පොඩි දුව හොඳ කීකරු ළමයෙක්
ආඩම්බර හිත කීවා දවසක්
පොඩි දුව මගෙ හොඳ කඩිසර දරුවෙක්
ආඩම්බර නෙත් දුටුවා දවසක්

දිවයන කාලය ගෙන ආ වෙනසින්
එකටෙක කීවේ ඇයි රිදවා සිත්
කීව කතා බස් මතකයි තවමත්
අප සිත් සනහා කිරි හුරතලයෙන්

මගෙ පොඩි දුව හොඳ කීකරු ළමයෙක්
ආඩම්බර හිත කීවා දවසක්
පොඩි දුව මගෙ හොඳ කඩිසර දරුවෙක්
ආඩම්බර නෙත් දුටුවා දවසක්

ම් ම්ම් ම්ම්ම්ම් ම් ම්ම් ම්ම්ම්ම්..//

ගෙවා දමන්නට ඇත දිගු ගමනක්
ජයගනු බෑ එය හිතුවක්කාරෙන්
පිවිතුරු හැඟුමින් යහ ගුණ දහමින්
පිසලනු කඳුළැල් සනසා දෙගුරුන්

මගෙ පොඩි දුව හොඳ කීකරු ළමයෙක්
ආඩම්බර හිත කීවා දවසක්
පොඩි දුව මගෙ හොඳ කඩිසර දරුවෙක්
ආඩම්බර නෙත් දුටුවා දවසක්

ම් ම්ම් ම්ම්ම්ම් ම් ම්ම් ම්ම්ම්ම්..//

ගායනය – බණ්ඩාර අතාවුද
පද රචනය – කුසුම් පීරිස්
තනුව – රෝහණ වීරසිංහ


නෙතු පියන් පියා
මුතු දසන් වසා
සිහිනයෙන් වඩී
මා ළඟින් ඉදී
මව්පියන් බලා නොඉඳී

කැට මුගුරු වැදී කටු සඟල බිඳී
ඉගිලෙන්නට නොහැකිද කුමාරියේ
සිහින මුවා තටු සලා වරෙන්
සුදු පාර්ථනා වෙත කුමාරියේ

නෙතු පියන් පියා
මුතු දසන් වසා
සිහිනයෙන් වඩී
මා ළඟින් ඉදී
මව්පියන් බලා නොඉඳී

ඉරිසියා හිතී
බොරු ගොතා කියූ
ඒ සුරංගනාවන් නිදා සිටී
හිරුට මුහුණ ලා පියාඹපන්
සුදු පාර්ථනා වෙත කුමාරියේ

නෙතු පියන් පියා
මුතු දසන් වසා
සිහිනයෙන් වඩී
මා ළඟින් ඉදී
මව්පියන් බලා නොඉඳී

ගායනය – බණ්ඩාර අතාවුද
පද රචනය – රත්න ශ්‍රී විජේසිංහ
තනුව – රෝහණ වීරසිංහ


සීතල තවරා හමනා සුළඟේ
මා ගත දැවටී පාවීයන්
මුර මඩුවේ සිටිනා මගෙ තනියට
කන්ද කපා සඳ පායාපන්

උදයට ඇවදින් හවසට යද්දී
දෑසින් නුඹෙ තනිකම කියැවේ …//
මැණිකේ පුතුගේ තනිය මකද්දී
පොල් අතු මඩුවේ මා තනිවේ

සීතල තවරා හමනා සුළඟේ
මා ගත දැවටී පාවීයන්
මුර මඩුවේ සිටිනා මගෙ තනියට
කන්ද කපා සඳ පායාපන්

සිහින ලොවේ සිටියත් ඔබ සෙවනේ
මටද දැනේ උණුසුම පුතුනේ …//
නින්ද නැතිව සිටිනා තුන් යාමේ
සංගු හඩට කන්දෙනු මැණිකේ

සීතල තවරා හමනා සුළඟේ
මා ගත දැවටී පාවීයන්
මුර මඩුවේ සිටිනා මගෙ තනියට
කන්ද කපා සඳ පායාපන්

ගායනය – බණ්ඩාර අතාවුද
පද රචනය – පියදාස දම්මන්තොට
තනුව – රෝහණ වීරසිංහ


කඳුළු පිසදාලන සඟවාලන
රැයේ සෙනේ මල්
සිතම සනසාලන සතපාලන
නුඹේ සිනා මල්
නුඹේ සිනා මල්…//

අවර නැකත නොවේ
තරු පීදෙන සඳ පායන නුඹමය රාත්‍රී
සතුටු කඳුළු පිපේ
මල්යායට සිත් යාකල නුඹ මගෙ දේවී

කඳුළු පිසදාලන සඟවාලන
රැයේ සෙනේ මල්
සිතම සනසාලන සතපාලන
නුඹේ සිනා මල්
නුඹේ සිනා මල්

අරුණ ගලන පැයේ
නෙත්මානෙන් ඉගිලී යන නුඹමය රාත්‍රී
සිතට තනිය නොදී
තුන්තිස් පැය මල්යහනට වැඩපන් දේවී

කඳුළු පිසදාලන සඟවාලන
රැයේ සෙනේ මල්
සිතම සනසාලන සතපාලන
නුඹේ සිනා මල්
නුඹේ සිනා මල් ..//

ගායනය – බණ්ඩාර අතාවුද
පද රචනය – වසන්ත කුමාර කොබවක
තනුව – රෝහණ වීරසිංහ


හා හහහහා හහහහා හහහහා

කොහේ යන්නෙද
කොහේ ඉන්නෙද
ඔබත් ඇසුවා මගෙන්
මමත් ඇසුවා ඔබෙන් …//

මං මුලාවී ජීවිතේ අපි
ළංවෙලා ඉමු මේ ලෙසින්
තවත් පෙම්වතියන්
පෙම්වතුන්
එනතුරා මේ මාවතේ
ගමන් මග විමසා අපෙන්

මේ ලෙසින් සසරේ පුරා අපි
ළංවෙලා සිටියේ හදින්
හෙටත් අද වාගේ
බලා හිදිමු
සිත් සතන් නැති ලෝකයා..
පෙම් සුවේ දකිනා තුරා

කොහේ යන්නෙද
කොහේ ඉන්නෙද
ඔබත් ඇසුවා මගෙන්
මමත් ඇසුවා ඔබෙන් …//

හා හහහහා හහහහා හහහහා …//

ගායනය – බණ්ඩාර අතාවුද
පද රචනය – කුමාරදාස සපුතන්ත්‍රී
තනුව – එච්.එම්. ජයවර්ධන


උදාවෙන්න මේ රාත්‍රියේ
නෙලාගන්න ඔබෙ කාන්තියේ
මගේ දුක් දරාගන්න
හිත් යහන සරසන්න
සඳුනේ නැගෙන් රාත්‍රියේ

උයනේ පීදී
සුවඳින් නෑවී
උයනේ පීදී
සුවඳින් නෑවී
කැකුළක් ලෙසේ කේතකී
මා වෙත එයි ඈ
පෙර මග සරසා
සඳුනේ නැගෙන් රාත්‍රියේ

උදාවෙන්න මේ රාත්‍රියේ
නෙලාගන්න ඔබෙ කාන්තියේ
මගේ දුක් දරාගන්න
හිත් යහන සරසන්න
සඳුනේ නැගෙන් රාත්‍රියේ

දියඹේ බිහි වී
වෙරළේ මියැදී
දියඹේ බිහි වී
වෙරළේ මියැදී
රළ වැල් ලෙසේ සාගරේ
මා හැර යයි ඈ
තනියට ළංවී
සඳුනේ නැගෙන් රාත්‍රියේ

උදාවෙන්න මේ රාත්‍රියේ
නෙලාගන්න ඔබෙ කාන්තියේ
මගේ දුක් දරාගන්න
හිත් යහන සරසන්න
සඳුනේ නැගෙන් රාත්‍රියේ

ගායනය – බණ්ඩාර අතාවුද
ගී පද – බන්ධුල නානායක්කාරවසම්
තනුව – රෝහණ වීරසිංහ


හිරු හිනැහෙන ඝණ නිල්වන් අහසේ
පහනකි මා හිරු එලියෙහි නොදිලෙන
පහන ඔබය ඔබමය මා පැතුමද
හිරු නොව සැඩ කිරණින් මා වෙහෙසන ….//

සඳ දිදුලන පුර පෝදා අහසේ
තරුවකි මා සඳ එළියෙහි නොපෙණෙන
තරුව ඔබය ඔබමය මා පැතුමද
සඳ නොව කලඑළියෙන් දුර බබලන

හිරු හිනැහෙන ඝණ නිල්වන් අහසේ
පහනකි මා හිරු එලියෙහි නොදිලෙන
පහන ඔබය ඔබමය මා පැතුමද
හිරු නොව සැඩ කිරණින් මා වෙහෙසන

උඩවැඩියා සුපිපෙන වන උයනේ
කුසුමකි මා තණ බිම මත සැඟවුණ
කුසුම ඔබය ඔබමය මා පැතුමද
උඩවැඩියා මල නොව නෙත පිනවන

හිරු හිනැහෙන ඝණ නිල්වන් අහසේ
පහනකි මා හිරු එලියෙහි නොදිලෙන
පහන ඔබය ඔබමය මා පැතුමද
හිරු නොව සැඩ කිරණින් මා වෙහෙසන ….//

ගායනය – බණ්ඩාර අතාවුද සමග චන්ද්‍රලේඛා පෙරේරා
සංගීතය – රෝහණ වීරසිංහ
ගී පද – මහාචාර්ය සුනිල් ආරියරත්න
රේඛා ටෙලි නාට්‍යයෙන්


04
Oct
13

වික්ටර් රත්නායක ගී සමුච්චය

Victor Rathnayaka Songs

අපි ඔක්කොම රජවරු ඔක්කොම වැසියෝ
තුන් සිංහලයම නෑදෑයෝ
අපි ඔක්කොම පියවරු ඔක්කොම මව්වරු
තුන් සිංහලයම දූ දරුවෝ
තුන් සිංහලයම දූ දරුවෝ

ජය දද බන්දා (හහා හා හා)
සිරිදුව කැන්දා (හහා හා හා)
ජය දද බන්දා සිරිදුව කැන්දා
රුපු සෙන් ඔද තෙද සින්දා
හද අරවින්දා (හහා හා හා)
කර සිරි නන්දා (හහා හා හා)
හද අරවින්දා කර සිරි නන්දා
පර ගැති සිත ගත බින්දා
පර ගැති සිත ගත බින්දා

අපි ඔක්කොම රජවරු ඔක්කොම වැසියෝ
තුන් සිංහලයම නෑදෑයෝ
අපි ඔක්කොම පියවරු ඔක්කොම මව්වරු
තුන් සිංහලයම දූ දරුවෝ
තුන් සිංහලයම දූ දරුවෝ

හිස මල් පිපුණා (හහා හා හා)
හසරැල් නැගුනා (හහා හා හා)
හිස මල් පිපුණා හසරැල් නැගුනා
හද සෝ ගිනි දැල් නිවුනා
නෙතු කැන් දිලුනා (හහා හා හා)
සිතු වැල් බැඳුනා (හහා හා හා)
නෙතු කැන් දිලුනා සිතු වැල් බැඳුනා
ජය මංගල ගී ගැයුනා
ජය මංගල ගී ගැයුනා

අපි ඔක්කොම රජවරු ඔක්කොම වැසියෝ
තුන් සිංහලයම නෑදෑයෝ
අපි ඔක්කොම පියවරු ඔක්කොම මව්වරු
තුන් සිංහලයම දූ දරුවෝ
තුන් සිංහලයම දූ දරුවෝ
තුන් සිංහලයම දූ දරුවෝ
තුන් සිංහලයම දූ දරුවෝ

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

Victor21 Victor01 pl_p9b

ආදරයේ උල්පත වූ අම්මා
මා ඔබගේ පුතු වූ…
‍ඔබ මතු බුදුවන දවසේ
මා රාහුල කුමරුන් සේ
සෙවන පතා අද මෙන් පැමිණෙන්නෙමි
සුළැඟිල්ලේ එල්ලී…

සඳ දිය කොට කිරිවතුරෙන්
ඒ දියරෙන් මුව දෝවා
දිව මතුරක්වන් නැළැවිලි ගීයෙන්
මතකයි මා නැළැවූවා…
ජීවිතයෙන් ජීවිතයක් ගෙන දී
ඒ ජීවිතයට කිරි දී පණ දී
මා දැඩි කල අම්මා…

ආදරයේ උල්පත වූ අම්මා
මා ඔබගේ පුතු වූ…
‍ඔබ මතු බුදුවන දවසේ
මා රාහුල කුමරුන් සේ
සෙවන පතා අද මෙන් පැමිණෙන්නෙමි
සුළැඟිල්ලේ එල්ලී…

තුරුළට ගෙන අත් පා හැඩ ගස්වා
නිදි ගන්වා යහන් ගැබේ
සිහිනෙන් ගෑ සුවඳක් මෙන්
සිහිවෙයි ඒ කිරි සුවඳ ඔබේ
දවසින් දවසට සෙනෙහස ළබැඳී
ගෙන දී දිවියට නව පන ලැබදී
මා දැඩි කල අම්මා…

ආදරයේ උල්පත වූ අම්මා
මා ඔබගේ පුතු වූ…
‍ඔබ මතු බුදුවන දවසේ
මා රාහුල කුමරුන් සේ
සෙවන පතා අද මෙන් පැමිණෙන්නෙමි
සුළැඟිල්ලේ එල්ලී…

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: ආචාර්ය වික්ටර් රත්නායක

Amma_Semage images (3)

අරුන්දතී තාරකාව සේ දිලී දිලී
නුවන් පෙති විදා බලා නොව මැලී මැලී
බ්‍රහස්පතී නැණින් යොවුන් සිත් බැඳී බැඳී
දවස්පතී රුවින් සිනාසෙයි නැඟී නැඟී

වෙරළ සමීපේ මින් සමු දායයි
ගමින් ගමට නිල්වන් වැව් යායයි
සිරිලක දසනු දිසා එක හීයයි
ලක් වැසියෙක් වී අද ඉර පායයි

අරුන්දතී තාරකාව සේ දිලී දිලී
නුවන් පෙති විදා බලා නොව මැලී මැලී
බ්‍රහස්පතී නැණින් යොවුන් සිත් බැඳී බැඳී
දවස්පතී රුවින් සිනාසෙයි නැඟී නැඟී

මල්සර උක් දඬු දුනු හී මානයි
නව යෞවන යේ පෙම් රජ දහනයි
හිරු නව පැතුම් පතා රැස් වීදයි
නිවහල් ලොවකට මං පෙත පාදයි

අරුන්දතී තාරකාව සේ දිලී දිලී
නුවන් පෙති විදා බලා නොව මැලී මැලී
බ්‍රහස්පතී නැණින් යොවුන් සිත් බැඳී බැඳී
දවස්පතී රුවින් සිනාසෙයි නැඟී නැඟී

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: සෝමපාල රත්නායක

Nivahal images (4)

දාගැබ් මහා වැව් බැන්දේ නුඹයි පුතේ
සීගිරි ගලේ කවි ලීවේ නුඹයි පුතේ
නඟුලෙන් එදා රජ කෙරුවේ නුඹයි පුතේ
පැදුරේ මෙදා නිදියන්නේ නුඹයි පුතේ …..//

අමරස දිව බොජුන් ගිජු කුසයට වළඳා
සිලි සිලි සිනිඳු දිව සළු පිළි හැඳ පළඳා
මජනයාට වැදි බණ කියමින බොලඳා
සැප විඳි එකා නිරයට නොයතිද මළ දා

දාගැබ් මහා වැව් බැන්දේ නුඹයි පුතේ
සීගිරි ගලේ කවි ලීවේ නුඹයි පුතේ
නඟුලෙන් එදා රජ කෙරුවේ නුඹයි පුතේ
පැදුරේ මෙදා නිදියන්නේ නුඹයි පුතේ

ඉර හඳ අදත් පායනවා හද අරණේ
මගෙ රට ණයට කෑවේ නැහැ නොව පොරණේ

හෙළ දරුවන් එදා මේ සිංහල දෙරණේ
ඔවුනගෙ දහඩියයි ලද උත්තම සරණේ  ….////

ගායනය: ආචාර්ය වික්ටර් රත්නායක
පද රචනය: ආර්. ප්‍රේමදාස
තනුව: ආචාර්ය වික්ටර් රත්නායක

319-2-polonnaruwa Kanadarawa z_p20-Bouncing6

මයුරාසන මත වැඩ හිඳිනා
කඳ සුරිඳුනි ඔද තෙද රඳනා
හද උතුරන සෝ දුක කියමී
හිමි පා මුල මම වැඳ වැටෙමී
මයුරාසන මත වැඩ හිඳිනා
කඳ සුරිඳුනි ඔද තෙද රඳනා

මුහුණු සයකි අත් දොළසින් සොබනා
සවන යොමනු කඳ සුරිඳේ …//
මිනිසා මිනිසට ගරහන්නේ
මවුපියො නෑ ඔහු හඳුනන්නේ

මයුරාසන මත වැඩ හිඳිනා
කඳ සුරිඳුනි ඔද තෙද රඳනා
හද උතුරන සෝ දුක කියමී
හිමි පා මුල මම වැඳ වැටෙමී
මයුරාසන මත වැඩ හිඳිනා
කඳ සුරිඳුනි ඔද තෙද රඳනා

ශක්තිය බලපා යුක්තිය පාගා
පුහු මානය හද රන්දා …//
වස්තුව නිල බලතල හින්දා
මිනිසා මිනිසට දෙයි නින්දා

මයුරාසන මත වැඩ හිඳිනා
කඳ සුරිඳුනි ඔද තෙද රඳනා
හද උතුරන සෝ දුක කියමී
හිමි පා මුල මම වැඳ වැටෙමී
මයුරාසන මත වැඩ හිඳිනා
කඳ සුරිඳුනි ඔද තෙද රඳනා

ගායනය: ආචාර්ය වික්ටර් රත්නායක
පද රචනය: හේම ශ්‍රී ද අල්විස්
තනුව: ආචාර්ය වික්ටර් රත්නායක

god-katharagama hema-sri-da-alwis

සිහිල් සුළං රැල්ලේ
ඔබේ සුවඳ මුසුවේ …//
ආදරයේ මඳ
සිනිඳු පහස ලැබ
හදවත දළු සෙලවේ
සිහිල් සුළං රැල්ලේ
ඔබේ සුවඳ මුසුවේ

සුදු වැලි කතරේ
පිපුනු මල වගේ
ලොවුතුරු රස ගංගා …//
ඔබේ ආදරේ වරුසා වැහැලා
කතර දෙව් ලොවක් වේ //

සිහිල් සුළං රැල්ලේ
ඔබේ සුවඳ මුසුවේ …//

සීත හිමව්වේ කඳු ගැට අතරේ
සෙනෙහස දිය දහරා …//
ඈත හිමේ කඳු අතරේ පාවෙන
අමා සුවය පැතුවේ //

සිහිල් සුළං රැල්ලේ
ඔබේ සුවඳ මුසුවේ …//

ගායනය: ආචාර්ය වික්ටර් රත්නායක
පද රචනය: සේන වීරසේකර
තනුව: ආචාර්ය වික්ටර් රත්නායක

 images images (1) Senaweerasekara1

බින්දුමතී…..
බින්දුමතී…..
මං ආදර පෙම්මාදර බින්දුමතී
පෙමා වඩන ලද බින්දුමතී

කළු උක් ගස විලසා කළු කළු නංගියේ
දර කඩලා ඉහ තියලා කොහිදෑ ගියේ …//
ගොම්මං සමයමටා ගම හොල්මන් තියේ
නුඹ එක්කා මා එන්නා යම නංගියේ

මං ආදර පෙම්මාදර බින්දුමතී
පෙමා වඩන ලද බින්දුමතී …//

ළිඳ ළඟටා යන්ට එපා දියබරියා කයි
වැට ළඟටා යන්ට එපා කබරගොයා එයි …//
ගඟ ළඟටා යන්ට එපා අබිමානා එයි
පිට ගමටා යන්ට එපා මා මෙහි තනි වෙයි

මං ආදර පෙම්මාදර බින්දුමතී
පෙමා වඩන ලද බින්දුමතී …//

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: ආචාර්ය වික්ටර් රත්නායක

Sheryl images (5)

අඩවන් දෑසින් පවසනු රහසින්
ජීවිතයේ රස මේ යැයි විගසින් …//

පමා වෙවී හිඳිනට නැත වේලා
කාලය ඉගිලී යයි ඉගිලී යයි …//
සුපුල් දෙතොල් රත් පැහැයෙන් තවරා //
මීවිත උතුරා යයි උතුරා

අඩවන් දෑසින් පවසනු රහසින්
ජීවිතයේ රස මේ යැයි විගසින් …//

අවුල් දුහුල් වල සිහිල් පහස වැද
රඟනා රංගන නොනවත්වනු මැන
ඒ ගී හඩ මුලු ජීවිතයම සතු
රස බර සුළු මොහොතයි සුළු මොහොතයි
රෑ සිහිනෙන් දිව ගෑ සැපතක් සේ //
හෙට දින එය මිය යයි මිය යයි

අඩවන් දෑසින් පවසනු රහසින්
ජීවිතයේ රස මේ යැයි විගසින් …//

ගායනය: ආචාර්ය වික්ටර් රත්නායක
පද රචනය: මහගම සේකර
තනුව: සෝමදාස ඇල්විටිගල
(වෙස්ගත්තෝ චිත්‍රපටයෙන්) (1970)

download (1) images (6) vlcsnap-2013-10-01-18h55m24s122

දෛවයෝගයකින් නොවේදෝ
හමුවුණේ අප හමු වුණේ
දෛවයේ සරදම් ලබන්නට
කිම මෙසේ අප හමුවුණේ

ඇදුරුතුමියයි ප්‍රේමයේ ඔබ
ඇදුරුතුමියයි යෞවනේ ….//
ශෝකයේ රුදු වේදනාවේ
කඳුළු සයුරේ උල්පතයි

දෛවයෝගයකින් නොවේදෝ
හමුවුණේ අප හමු වුණේ
දෛවයේ සරදම් ලබන්නට
කිම මෙසේ අප හමුවුණේ

නඳුන් උයනයි ස්නේහයේ ඔබ
සඳුන් සිලිලයි ජීවිතේ ….//
සොම්නසේ ආනන්දයේ
හසරැළ් තරංගේ උල්පතයි

දෛවයෝගයකින් නොවේදෝ
හමුවුණේ අප හමු වුණේ
දෛවයේ සරදම් ලබන්නට
කිම මෙසේ අප හමුවුණේ

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

ar09052417  ras 08-18 pg08-09-gsr-1.indd 

පොඩි කුමාරිහාමියේ
එපා වලව්වට යන්න නියර පිට
බලා ඉන්න පොඩි කුමාරිහාමියේ
කාසි එපා නුඹ හිනාවෙවී
ඔහෙ බලා ඉන්නවා නම්

නිලමෙත් නපුරුයි ළමාතැනිත් නපුරුයි
නපුරු වලව්වක කෝමද කෝමල
කතා නුඹට ලැබුණේ
වක්කඩ කැඩුවා සේ සිනාසෙන
සිනා ගඟුල මැවුනේ
නුඹෙ හිනා ගඟුල මැවුනේ..

පොඩි කුමාරිහාමියේ
එපා වලව්වට යන්න නියර පිට
බලා ඉන්න පොඩි කුමාරිහාමියේ
කාසි එපා නුඹ හිනාවෙවී
ඔහෙ බලා ඉන්නවා නම්

කඩා ගන්න බැරි වුනත් හරිම සුවඳයි
නෙරිය කොනේ මඩ තිතක් ඉහින්නට
ආසයි නුඹට හොරා
මාල හතක් බැඳ පෝරුව මත හිඳ
නොයන් මෙ ගම හැරදා
නුඹ නොයන් මෙ ගම හැරදා……

පොඩි කුමාරිහාමියේ
එපා වලව්වට යන්න නියර පිට
බලා ඉන්න පොඩි කුමාරිහාමියේ
කාසි එපා නුඹ හිනාවෙවී
ඔහෙ බලා ඉන්නවා නම්

කාසි එපා නුඹ හිනාවෙවී
ඔහෙ බලා ඉන්නවා නම්…//

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

images (13) victorrathnayakesonduri download (4)

අරුණළු ඇතිරෙන‍ හිමිදිරි යාමේ
සිතුවිලි පව්වේ පෙරදිග අහසේ
හිමියනි මම බුදුරැස් දැක ගත්තෙමි
හිමියනි මම බුදුරැස් දැක ගත්තෙමි

කළුවර ගොමුකොට ගිමන් දවන මඟ
ගමන් කළෙමි දුර සසර පුරා…//
පස්කම් සම්පත් එක්තැන් කරගෙන
ගමන් කළෙමි දුර සසර පුරා

අරුණළු ඇතිරෙන‍ හිමිදිරි යාමේ
සිතුවිලි පව්වේ පෙරදිග අහසේ
හිමියනි මම බුදුරැස් දැක ගත්තෙමි
හිමියනි මම බුදුරැස් දැක ගත්තෙමි

මහ කරුණාවේ සිලිල ගලා එන
බුදු හිමියනි ඔබෙ මෙත් දහරේ…//
නැහැවෙමි සසරෙහි කෙලෙස් මුදා හැර
බුදු හිමියනි ඔබෙ නෙත් දහරේ

අරුණළු ඇතිරෙන‍ හිමිදිරි යාමේ
සිතුවිලි පව්වේ පෙරදිග අහසේ
හිමියනි මම බුදුරැස් දැක ගත්තෙමි
හිමියනි මම බුදුරැස් දැක ගත්තෙමි…//

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: ආචාර්ය වික්ටර් රත්නායක

images (2)A  image prem

ගොළු මුහුදේ මුතු ඇටේ දහම් ආකරේ
රුවන් දෙරණ මිහිතලේ උපන් බිම අපේ …//

රකිමු වවමු පණ වගේ හේළී ලංකා
රකිමු වවමු පණ පුදා හේළී ලංකා …//
හේළී ලංකා හේළී ලංකා
හේළී ලංකා හේළී ලංකා

වෙහෙර අහස සිඹින ඒ වැව් පෙළ සයුරු
ගලට ලෙනට එළිය දුන් කැටයම් මහරු …//
හේළී ලංකා හේළී ලංකා
හේළී ලංකා හේළී ලංකා

ගොළු මුහුදේ මුතු ඇටේ දහම් ආකරේ
රුවන් දෙරණ මිහිතලේ උපන් බිම අපේ
රකිමු වවමු පණ වගේ හේළී ලංකා
රකිමු වවමු පණ පුදා හේළී ලංකා
හේළී ලංකා හේළී ලංකා
හේළී ලංකා හේළී ලංකා

රවුලු ගැමුණු පඬු අබා කසුපු විජයබා
ලොවේ පතල වූ එදා විරු පුතුන් ලබා …//
හේළී ලංකා හේළී ලංකා
හේළී ලංකා හේළී ලංකා

ගොළු මුහුදේ මුතු ඇටේ දහම් ආකරේ
රුවන් දෙරණ මිහිතලේ උපන් බිම අපේ …//

රකිමු වවමු පණ වගේ හේළී ලංකා
රකිමු වවමු පණ පුදා හේළී ලංකා …//
හේළී ලංකා හේළී ලංකා
හේළී ලංකා හේළී ලංකා
හේළී ලංකා හේළී ලංකා
හේළී ලංකා හේළී ලංකා

ගායනය: ආචාර්ය වික්ටර් රත්නායක
පද රචනය: කලාසූරි අරිසෙන් අහුබුදු
තනුව: ආචාර්ය වික්ටර් රත්නායක
(ගුවන් විදුලියේ සිය ප්‍රථම සරල ගී වැඩසටහනට ගැයූ ගීයකි)

imageimageimage Kalasuri-Arisen-Ahubudu

හත්වළල්ල කන්ද කපා
ගංකරයෙන් පා වෙලා – දියකඩ පීරා
නඟා කෙල්ල ඉන්න පැලට
තෑගි අරන් මං එනවා ….//

දොල දෙනියේ වැව් බැම්මේ
හිඹුටු කැලෙන් නඟේ නුඹට

හිඹුටු කඩන් මං එනවා
ඉවසිලි නැ නුඹ දකින්න

අනේ එපා ඔච්චම් කර
බක් මී මල් හිනාවෙන්න

හත්වළල්ල කන්ද කපා
ගංකරයෙන් පා වෙලා – දියකඩ පීරා
නඟා කෙල්ල ඉන්න පැලට
තෑගි අරන් මං එනවා

තුරු වදුලේ කිරළ රොදේ
යොදුන් ගණන් ඈතට යමු
ගං ඉවුරේ උණ පදුරේ
හීල් හෙවනෙ කතා කරමු

වාසනාව අග හිඟ නැ
නඟා කෙල්ල ඉන්න පැලට

හත්වළල්ල කන්ද කපා
ගංකරයෙන් පා වෙලා – දියකඩ පීරා
නඟා කෙල්ල ඉන්න පැලට
තෑගි අරන් මං එනවා
නඟා කෙල්ල ඉන්න පැලට
තෑගි අරන් මං එනවා
නඟා කෙල්ල ඉන්න පැලට
තෑගි අරන් මං එනවා

ගායනය: ආචාර්ය වික්ටර් රත්නායක
පද රචනය: උපාලි ධනවලවිතාන
තනුව: ආචාර්ය වික්ටර් රත්නායක

images (7) images (10) Dhanawalavithana

මගේ හිතේ මෙයාකාර ගී සීපද තිබුණු වගක්
දැනං හිටියෙ නෑ
නෑනො, මගේ මුවේ මෙයාකාර
රාග තාල තිබුණු වගක්
දැනං හිටියෙ නෑ …//
හෙමින් සැරේ ඇස් රතුකර
තොල් පෙති මත ගී පද දැවටුවා නේද
කොණිති ගසා හදේ කොණක්
පන්හිඳ මත සී පද පැටලුවා නේද

මගේ හිතේ මෙයාකාර ගී සීපද තිබුණු වගක්
දැනං හිටියෙ නෑ
නෑනො, මගේ මුවේ මෙයාකාර
රාග තාල තිබුණු වගක්
දැනං හිටියෙ නෑ
මට නුහුරූ කවි ලොවකට
මටත් හොරා මා කැන්දන් ගියේ මන්ද
දීග ගිහින් වෙන ගේකට
ඒ කවි ලොව තුළ මා තනි කළේ මන්ද

මගේ හිතේ මෙයාකාර ගී සීපද තිබුණු වගක්
දැනං හිටියෙ නෑ
නෑනො, මගේ මුවේ මෙයාකාර
රාග තාල තිබුණු වගක්
දැනං හිටියෙ නෑ….//

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

c50q sunil-ariyarathna (1)

පිනිබර මලක් වගේ ගමේ පිපුණ නඟේ
හෙට ගියත් වැඩට මන්දිරයක සිදාදියේ
අමතක කරන්නෙපා
නුඹ එනතුරා
මෙහෙ මං ඉන්නවා …//
සිදාදියේ නපුරු සතුන්
රුවට නුඹේ වසඟවෙලා
නොයෙක වෙසින් නුඹ බිලිගන්නට සැරසේවී
අතේ කාසි පනම් අරුමෝසම් නුඹේ දෑසට පාවී
නඟේ පරිස්සමින්
ඉඳින් අනේ රැවටෙන්න එපා

පිනිබර මලක් වගේ ගමේ පිපුණ නඟේ
හෙට ගියත් වැඩට මන්දිරයක සිදාදියේ
අමතක කරන්නෙපා
නුඹ එනතුරා
මෙහෙ මං ඉන්නවා
සිදාදියේ විසිතුරු මැද
සිටින විටදි තනිවීලා
අලුත් පහේ වෙන මුහුණු නෙතට හමු වේවී
ගමේ රෑ පානේ රහසේ කිව් කතා ගොළු වී යාවී
හිතේ සෝදිසියෙන්
ඉඳින් අනේ හිත දෙන්න එපා

පිනිබර මලක් වගේ ගමේ පිපුණ නඟේ
හෙට ගියත් වැඩට මන්දිරයක සිදාදියේ
අමතක කරන්නෙපා
නුඹ එනතුරා
මෙහෙ මං ඉන්නවා

අමතක කරන්නෙපා
නුඹ එනතුරා
මෙහෙ මං ඉන්නවා  …///

ගායනය: ආචාර්ය වික්ටර් රත්නායක
පද රචනය: කුලරත්න ආරියවංශ
තනුව: ආචාර්ය වික්ටර් රත්නායක

ar09041917 images (14)

තොටුපොල අයිනේ … කව්ද අත වනන්නේ …
කව්ද අත වනන්නේ … තොටුපොල අයිනේ …//

හැන්දෑ වරුවේ ඉවුරේ වැටකේ
උණ පඳුරේ හෙව‍නේ
හබල බිඳීලා … ආ …
හබල බිඳීලා – පෙරළුන ඔරුවක
සුන්බුන් නෙත දැවටේ …
ඒ දෙස නොබලමි
ඒ දෙස නොබලමි
තොටුපොල අයිනේ
කව්ද අත වනන්නේ

ආ මඟ අදුරේ පෙර මඟ එගොඩින්
තරු යුවලක් ඇවිලේ
ඔරු කඳ ඇතුලේ … ඒ …
ඔරු කඳ ඇතුලේ
නුපුරුදු සුවඳක් දියමංකඩ විසිරේ
හෙට මම හිනැහෙමි
හෙට මම හිනැහෙමි
තොටුපොල අයිනේ
කව්ද අතවනන්නේ

තොටුපොල අයිනේ … කව්ද අත වනන්නේ …

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

imageimagear-22

චංචල අඳුරු ලොවේ
නිසංසල සීතල පරම සුවේ
මිහිපිට තැනෙක තියේ
සොයා එමි
මම ඒ සෙවණ ප්‍රියේ ….//

පොළොව දෙදරවන ගිම්හානේ
ගතට ගිමන දෙන මද්දහනේ ….//
ඇසිපිය හෙළනට ලැගුම් පතන්නෙමි
පිවිතුරු හදවත් මල් යහනේ

චංචල අඳුරු ලොවේ
නිසංසල සීතල පරම සුවේ
මිහිපිට තැනෙක තියේ
සොයා එමි
මම ඒ සෙවණ ප්‍රියේ

නිසල වියලි කළු වැලිකතරේ
මුමුණ මුමුණ යන දිය දහරේ
සංසිඳවනු මැන අඬන පිපාසේ
බිඳූවක් රඳවා තොල් අතරේ

චංචල අඳුරු ලොවේ
නිසංසල සීතල පරම සුවේ
මිහිපිට තැනෙක තියේ
සොයා එමි
මම ඒ සෙවණ ප්‍රියේ…

ගායනය: ආචාර්ය වික්ටර් රත්නායක
පද රචනය: කරුණාරත්න අබේසේකර
තනුව: ආචාර්ය වික්ටර් රත්නායක

ar09060715-1 1

පෙම්බර මධු මගේ
මා නැතේ ඔබෙන් මිදුනේ
සුරූපී දේහ විලාසේ
මැවේ මැවේ නයනේ
පෙම්බර මධු මගේ //

ලොවෙහි ඈත අනන්තේ
පැලක් තුලේ නොපෙනී
ඇතත් හොරෙන් හැංගීලා
මගේ දුකත් නොදැනී
අරන් එමී ඔබ කැන්දා ඇසිල්ලකින් පැමිණී
සුරූපී දේහ විලාසේ මැවේ මැවේ නයනේ
පෙම්බර මධු මගේ //

වඩාල දෝත පුරාලා
පරවී කුමාරිය සේ
සුගන්ධ මල් යහනාවේ
හොවා පෙමින් සිතුසේ
පවන් සලා ඔබ සනසම් ලදැල්ලකින් සුවසේ
සුරූපී දේහ විලාසේ මැවේ මැවේ නයනේ
පෙම්බර මධු මගේ //

අපේම පාලු විමානේ
නිසංසලේ සහනේ
අමා පැනින් මත්වීලා
ඔබේ දෙතොල් බඳුනේ
විදින්නෙමී රස මදිරා පෙරුම් පිරූ ලෙසිනේ
සුරූපී දේහ විලාසේ මැවේ මැවේ නයනේ
පෙම්බර මධු මගේ //

ගායනය: ආචාර්ය වික්ටර් රත්නායක
පද රචනය: කරුණාරත්න අබේසේකර
තනුව: එම්. අශ්රෆ්
(පෙම්බර මධු චිත්‍රපටයෙන්) (1977)
(1971 දී තිරගතවූ “චිරාග් කහාන් රෝෂිණී කහාන්” හින්දි චිත්‍රපටයට එම්. අශ්වර් විසින් නිර්මානය කළ “මෙරී දුආ හෛ කේ” නම් ගීතයේ තනුවට කරුණාරත්න අබේසේකර පද රචනය කළ “පෙම්බර මධු” ගීය සංගීතවත් කළේ පී. එල්. ඒ. සෝමපාල විසිනි. )

image  ey1 download (7) mqdefault

ලලල ලලල ලලල ලලල ////

දුර ඈත අතීතේ
කඳු සීත පලාතේ
මල් පිබිදෙන කාලේ
දෙහදක කතන්දරේ
ලලල ලල්ල ලා
දුර ඈත අතීතේ
කඳු සීත පලාතේ
මල් පිබිදෙන කාලේ
දෙහදක කතන්දරේ
ආකාසෙ සිඹින නීල වර්ණ කඳුවැටී
සුදු මිහිදුමේ සිහින් සළුව ඔතාගෙන සිටී
ලා ලා ලාලලා ලලල ලලලලා
ආකාසෙ සිඹින නීල වර්ණ කඳුවැටී
සුදු මිහිදුමේ සිහින් සළුව ඔතාගෙන සිටී
කඩා හැලෙන ඇල්ලක් ළඟ ඇයව හමුවුණා //
ඇගේ දෑසෙ නිල් කැළුම් ආදරේ හැඟුම් හදට තේරුණා

දුර ඈත අතීතේ
කඳු සීත පලාතේ
මල් පිබිදෙන කාලේ
දෙහදක කතන්දරේ

පෙම් ගීතෙ සංගීතෙ මිහිර වින්දෙමූ
අපි සැන්දෑවෙ ගංගාවෙ පාරු පැද්දෙමූ
ලා ලා ලාලලා ලලල ලලලලා
පෙම් ගීතෙ සංගීතෙ මිහිර වින්දෙමූ
අපි සැන්දෑවෙ ගංගාවෙ පාරු පැද්දෙමූ
වෙන්නොවන්න කිසිම දිනෙක සිතාගත්තෙමූ //
ඇගෙ ආදරේ සිතුම් ආදරේ පැතුම් පහන් දැල්වුනා

මල් පිබිදෙන කාලේ
දෙහදක කතන්දරේ
ලලල ලල්ල ලා
දුර ඈත අතීතේ
කඳු සීත පලාතේ
මල් පිබිදෙන කාලේ
දෙහදක කතන්දරේ

ගායනය: ආචාර්ය වික්ටර් රත්නායක
පද රචනය: පරමේශ් කෝනේශ්
තනුව: මෙල්රෝයි ධර්මරත්න

imageimageimagemelroy-dharmarathna2

අඹ ගස් යට මල් හැළිලා
සුවඳේ බැරුවා හිඳින්ට
ඒ අඹ මල් සුවඳ දිගේ
වන බඹරෝ රොනට එන්න …//

මගේ බඹරිය පැලේ දමා
එන්නට බෑ අඹ වනයට
මුසා බසින් මා නොතලා
එන්න සුවඳ මල් හෙවනට

අඹ ගස් යට මල් හැළිලා
සුවඳේ බැරුවා හිඳින්ට
ඒ අඹ මල් සුවඳ දිගේ
වන බඹරෝ රොනට එන්න

බඹරු නැතිද අඹ ව‍නයේ
ඔබේ සිතට ගතට ඔබින
අන් බඹරුන් ඕනෑ නෑ
ඔබයි මගේ පැතුම් විමන

අඹ ගස් යට මල් හැළිලා
සුවඳේ බැරුවා හිඳින්ට
ඒ අඹ මල් සුවඳ දිගේ
වන බඹරෝ රොනට එන්න…//

ගායනය: ආචාර්ය වික්ටර් රත්නායක සමග නිර්මලා රණතුංග
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

image Nirmala Ranathunga images (1) victorrathnayakesonduri

අපි ඈතට ඈතට පා නගලා
ඝණ වනන්තරේ අතරමං වෙමු
වසන්ත මල් ගොමුවේ…//

කාත් කවුරුවත් නෑ එන්නේ
ඉඳුල් නොවේ රුදු මිනිස් ඇසින්
අපේම පුංචි ලෝකයේ අපි ඉන්නේ
බඹරුන් විතරයි තනියට ලඟ ඉන්නේ…‍‍

අපි ඈතට ඈතට පා නගලා
ඝණ වනන්තරේ අතරමං වෙමු
වසන්ත මල් ගොමුවේ

කෙසේද අත් බැඳ ඇවිදින්නේ
වෙරළේ උයනේ තුරුලු වෙමින්
නෑ සිය මිතුරන් මඟ තොට හමුවන්නේ
උකුසු ඇසින් අප කෙලෙසද ගැලවෙන්නේ

අපි ඈතට ඈතට පා නගලා
ඝණ වනන්තරේ අතරමං වෙමු
වසන්ත මල් ගොමුවේ…//

අතරමං වෙමු
වසන්ත මල් ගොමුවේ…//

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

imageimage

ඔබේ දෙතොල් පෙති ලිහී
පිපුණු හසරැල් විලේ
හද දියව ගලා යයි
රැළි ලමින් සැලි සැලී
මෙවන් සුව ‍ පෙර නොවිඳි
තුන් සිතම සලිත වී
සසර සැරි සරණ තෙක්
ඔබ මගේ ඔබ මගේ

හිරු නිවී මුහුදු තෙර
රාත්රිිය එළඹිලා
තරු කඩා වැටෙන විට
අහස් ගඟ කළඹලා
මට බලා ඉන්න බැ
ඔබෙ නුවන් පෙනෙනවා
සසර සැරි සරණ තෙක්
ඔබ මගේ ඔබ මගේ

නා ගසක් දළු දමා
වසන්තය එළඹිලා
මද පවන් රැල් වැදී
සැලෙන විට කැළඹිලා
මට බලා ඉන්න බැ
දෙතොල් ඔබෙ පෙනෙනවා
සසර සැරි සරණ තෙක්
ඔබ මගේ ඔබ මගේ

යුග ගණන් පැමිණි මඟ
පැටලිලා වැරදිලා
ඔබ මගෙන් වෙන්ව ගිය
ලකුණු ඇති මාවතේ
මට බලා ඉන්න බෑ
පෙර ඇසුර ඇඟෙනවා
සසර සැරි සරණ තෙක්
ඔබ මගේ ඔබ මගේ

අහස් තල පොළෝ තල
ඔබට මට පොදුවෙලා
හදවතින් එක් වුවත්
ගතින් දෙදෙනෙකු‍ වෙලා
මට බලා ඉන්න බැ
සියොලඟම දැවෙනවා
සසර සැරි සරණ තෙක්
ඔබ මගේ ඔබ මගේ…

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: ආචාර්ය වික්ටර් රත්නායක

image imageimage

සමාස තද්ධිත ප්‍රත්‍ය විශේෂණ
සන්ධි විසන්ධි විභක්ති ක්‍රියා පද
වින්ධ්‍යා කඳුවැටි භූමි විෂමතා
දාසෙන් මහසෙන් ගැමුණු විජයබා ….//
මා හා කතා කරනු මැන
දෙනුවන් කවුළු අයා
පෙම් නොකරමි මම පාසැල් කාලේ
ඇදුරන් දෙනෙත වසා

සමාස තද්ධිත ප්‍රත්‍ය විශේෂණ
සන්ධි විසන්ධි විභක්ති ක්‍රියා පද
වින්ධ්‍යා කඳුවැටි භූමි විෂමතා
දාසෙන් මහසෙන් ගැමුණු විජයබා
මා දා පළා නොයනු මැන
පෙම් මල් උයන දවා
පෙම් සටනට පෙර දිවි සටනින් බොමු
ජය පැන් විත පුරවා

සමාස තද්ධිත ප්‍රත්‍ය විශේෂණ
සන්ධි විසන්ධි විභක්ති ක්‍රියා පද
වින්ධ්‍යා කඳුවැටි භූමි විෂමතා
දාසෙන් මහසෙන් ගැමුණු විජයබා ….//

ගායනය: ආචාර්ය වික්ටර් රත්නායක සමග සුජාතා අත්තනායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

imageimagez_mon350

සිප එන සමනල මුදුනින්
ජනරජ දිනකර කිරණින් …//
ලංකා (රන් තඹර කැකුළ)
ලංකා රන් තඹර කැකුළ විකසිත වෙනවා
ලංකා ……… (ලංකා රන් තඹර කැකුළ විකසිත වෙනවා)

ආසිරි සත් රුවන් වැසී
ඈත තුසීතයෙන් ඉසී …//
ඉසුරු සුවය විඳිනු රිසී
සුරන් පවා බිමට බසී

සිප එන සමනල මුදුනින්
ජනරජ දිනකර කිරණින් …//
ලංකා (රන් තඹර කැකුළ)
ලංකා රන් තඹර කැකුළ විකසිත වෙනවා
ලංකා ……… (ලංකා රන් තඹර කැකුළ විකසිත වෙනවා)

භූ පාලන නව ‍රැල්ලේ
එක ධජයක සෙවනැල්ලේ …//
නිවහල් රන් ඕවිල්ලේ
ජන ජය ගී මංගල්ලේ

සිප එන සමනල මුදුනින්
ජනරජ දිනකර කිරණින් …//
ලංකා (රන් තඹර කැකුළ)
ලංකා රන් තඹර කැකුළ විකසිත වෙනවා
ලංකා ……… (ලංකා රන් තඹර කැකුළ විකසිත වෙනවා)

ලංකා රන් තඹර කැකුල විකසිත වෙනවා ///

ගායනය: ආචාර්ය වික්ටර් රත්නායක
පද රචනය: කේ. ඩී. කේ. ධර්මවර්ධන
තනුව: ආචාර්ය වික්ටර් රත්නායක

imageimagek.d.k.dharmawardana

කියන්න මගෙ සුදු පුංචි කුමාරය
මා හමුවන්නට මෙහි ආ කාරිය

අසන්න මගෙ සුදු පුංචි කුමාරිය
මමවත් නොදනිමි මා ආ කාරිය

ඔබේ ලසෝ ගිණි තැවුල් නිවාලන
ඔසුවක් ඇතිදැයි අසමි දයාවෙන
මදෙස බලා ඉනු මැන කරුණාවෙන්
එයයි මගේ ගිම් නිවන නවාතැන

කියන්න මගෙ සුදු පුංචි කුමාරය
මා හමුවන්නට මෙහි ආ කාරිය

අසන්න මගෙ සුදු පුංචි කුමාරිය
මමවත් නොදනිමි මා ආ කාරිය

දෙනෝ දහක් දෙන සිටින ලොවේ හිඳ
කුමට මගේ පිළිසරණ පතන්නෙද
දෙපා සතුන්ගෙන් බැට කන මා හද
ඔබේ සරණ නිබඳව නොසොයාවිද

කියන්න මගෙ සුදු පුංචි කුමාරය
මා හමුවන්නට මෙහි ආ කාරිය

අසන්න මගෙ සුදු පුංචි කුමාරිය
මමවත් නොදනිමි මා ආ කාරිය

ගායනය: ආචාර්ය වික්ටර් රත්නායක සමග
නිරංජලා සරෝජිනී
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

image image

කණ කැස්‌බෑ නෙත බලා හිඳිනවා
අහස දකින්නට විය සිදුරෙන්
පෙරුම් පුරාගෙන අහස බැලූ දා
සඳ නැත අහසේ අමාවකයි ….//

පියන් වසාලා අගුළු දමා තිබු
දිවි මැඳුරේ කවුළුවක් ඇරී
සඳකැන් සිහිලස ගලා හැලෙන තුරු
බලා උනිමි එය තවත් නැතී

කණ කැස්‌බෑ නෙත බලා හිඳිනවා
අහස දකින්නට විය සිදුරෙන්
පෙරුම් පුරාගෙන අහස බැලූ දා
සඳ නැත අහසේ අමාවකයි

තනිකම ඝනඳුර නොනිමෙන කෙඳුරුම
යළි රජයන්නට වරම් ලැබී
සුපුරුදු උරුමයෙ සුළඟ වැදී යළි
කවුළුව වැසුණා අගුළු වැටී

කණ කැස්‌බෑ නෙත බලා හිඳිනවා
අහස දකින්නට විය සිදුරෙන්
පෙරුම් පුරාගෙන අහස බැලූ දා
සඳ නැත අහසේ අමාවකයි

පෙරුම් පුරාගෙන අහස බැලූ දා
සඳ නැත අහසේ අමාවකයි ….//

ගායනය: ආචාර්ය වික්ටර් රත්නායක
පද රචනය: කේ. ඩී. කේ. ධර්මවර්ධන
තනුව: ආචාර්ය වික්ටර් රත්නායක

image

අම්මා නැති මට කිරි අම්මා වී
කළු‍වර ගෙදරට මිණි පහනක් වී
දැනගත් දා සිට පෙරුම් පිරු‍වේ
අක්කේ මං මතු සක්විති වෙයි සිතලා දෝ

පිරුණු රටාවට පැදුරක් පිරී වැ‍ඩේ
උදේට ලිප ලඟ කඩයප්පන් ගොඩවේ
දෙකම්මුලින් වට මුතු වට්ටිය නුඹගේ
පනමට දී මට නැණ නෙත් පෑදූවේ

අම්මා නැති මට කිරි අම්මා වී
කළු‍වර ගෙදරට මිණි පහනක් වී
දැනගත් දා සිට පෙරුම් පිරු‍වේ
අක්කේ මං මතු සක්විති වෙයි සිතලා දෝ

මෝරා හද ගැබ පෙම්මල් නැහැ පිපුනේ
ඉහිලා බඳ වට ගෝමර ලතැවෙන්නේ
බාල යොවුන් හද වැහැරී ගේ ඇතු‍ලේ
මා ලද ශිල්පද නුඹ හා එක මුල්ලේ

අම්මා නැති මට කිරි අම්මා වී
කළු‍වර ගෙදරට මිණි පහනක් වී
දැනගත් දා සිට පෙරුම් පිරු‍වේ
අක්කේ මං මතු සක්විති වෙයි සිතලා දෝ

ගායනය: ආචාර්ය වික්ටර් රත්නායක
පද රචනය: ලූෂන් බුලත්සිංහල
තනුව: ආචාර්ය වික්ටර් රත්නායක

MG_0095 stuti-nawatha-enna images (23) lushan_bulathsinhala

කොහේ සිට ඔබ පැමිණියේදෝ
සිහිනයේ රැඳුණු ඒ අප්සරා
මගේ ඉරබටු තාරකාවිය
ඔබට ගැයෙනා නැවුම් කුළුඳුල්
ප්‍රේම ගීයයි මේ….
කොහේ සිට ඔබ පැමිණියේදෝ

දෙනෝ දාහක් අවට සිටියද
තනිවෙලා වේදනා වින්ඳෙමි මං
නුවන් දාහක් අවට දුටුවද
දෙනෙත නලවන නෙතක් නුදුටිමි මං
කොහේ සිට ඔබ පැමිණියේදෝ

පාළු ඝනඳූරු රුදුරු රෑ මැද
නෙත වසා ආදරේ පැතුවෙමි මං
මගේ සුසුමන් දැනෙන තරමට
ඔබට ළංවී කෙදින හිඳිමිද මං…

කොහේ සිට ඔබ පැමිණියේදෝ
සිහිනයේ රැඳුණු ඒ අප්සරා
මගේ ඉරබටු තාරකාවිය
ඔබට ගැයෙනා නැවුම් කුළුඳුල්
ප්‍රේම ගීයයි මේ….
කොහේ සිට ඔබ පැමිණියේදෝ

ගායනය: ආචාර්ය වික්ටර් රත්නායක
පද රචනය: කේ. ඩී. කේ. ධර්මවර්ධන
තනුව: ආචාර්ය වික්ටර් රත්නායක

aw0907261 Aware

දෙතොළග සිනහා
ආදර කැල්මෙන් නැහැවේ
පෙම්රස අනා අමුණයි සුන්දරතාවේ
නුවනග බැලුම් නිහඬව ගැයු ගී රාවේ
මදුරස පිරේ සවනත මී විත යාවේ

දේදුනු දෙබැමේ නැළවෙන සිත සුව යහනේ
මිහිරක් දැනේ හදවත අඩ සඳ පහනේ…//

දෙතොළග සිනහා
ආදර කැල්මෙන් නැහැවේ
පෙම්රස අනා අමුණයි සුන්දරතාවේ

ලෝ තූල සදා මිය යන මල් පිපි සෙවනේ
ඔබ මට මදාරා මලකිය පිය ලඳුනේ…//

දෙතොළග සිනහා
ආදර කැල්මෙන් නැහැවේ
පෙම්රස අනා අමුණයි සුන්දරතාවේ
නුවනග බැළුම් නිහඬව ගැයු ගී රාවේ
මදුරස පිරේ සවනත මී විත යාවේ

ගායනය: ආචාර්ය වික්ටර් රත්නායක
පද රචනය: ඩබ්. එම්. ටී. බණ්ඩාර
තනුව: ආචාර්ය වික්ටර් රත්නායක

98_10150961208732914_753359390_n

පායන සඳ ගැන මොනව හිතන්නද
හිතුවත් ඒ ගැන මොනව කියන්නද
කිව්වත් කිසිවෙකු අහන්නේ නෑ
එයද ආදරය වාගේ … //

සිතක සිතුම් එක්තැන් කොට අමුණා
ආදරයේ මහ පොතක් ලියුවෙමි
මේ ලොව නෙතු දස දහසක් ඇති මුත්
කිසිම නෙතක් ඒ දෙස හෙළුවේ නෑ

පායන සඳ ගැන මොනව හිතන්නද
හිතුවත් ඒ ගැන මොනව කියන්නද
කිව්වත් කිසිවෙකු අහන්නේ නෑ
එයද ආදරය වාගේ

ගීපොතකින් මා උපුටා නොගතිම්
මගේම සිතුමන් රසයෙන් එක්කොට
මා හැමදාමත් හඬගා කියනෙම්
ආදරයේ.. මහ පොතක් ලියු බව

පායන සඳ ගැන මොනව හිතන්නද
හිතුවත් ඒ ගැන මොනව කියන්නද
කිව්වත් කිසිවෙකු අහන්නේ නෑ
එයද ආදරය වාගේ … //

ගායනය: ආචාර්ය වික්ටර් රත්නායක
පද රචනය: පුණ්‍යසිරි මහවත්ත
තනුව: ආචාර්ය වික්ටර් රත්නායක

nidi-nethi Punyasiri 2 images (24)

මුදු පරම සුපිවිතුරු ආදරයෙන්
අප වෙලී දෙඩූ අඩ සැඳෑ කලේ
ඔබගෙන් සමුගත් මොහොතේ
ඔබෙ සිත මා පසුපස
මගෙ කුටියට ඇවිදින් …//

ඒ සිත මා ළඟ කතා කරනවා
දෑසම නොපියා බලා හිඳිනවා …//
දඟකාරකම් කරමින්
නෙත් පියන්න ඉඩ දෙන්නෑ

නේවාසිකාගාරේ
පොත් අතර රැඳී ඔබ අකුරු කියූවත්  …//
කිසිවක් මතකයෙ නොරැඳෙන බව දනිමී
ඔබෙ සිත මා ළඟ හින්දා

ඔබේ සිතට ඔබ කියන්න මිහිරියෙ
ආපසු එන්න කියා

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: ආචාර්ය වික්ටර් රත්නායක

 evemeet RM

ඔබ නැතුව ඉන්න බැරි තරමට
ඔබ හිතට ඇවිත් හෙමි හෙමිහිට
ඔබ නොදැක ඉන්න බැරි තරමට
නෙත ඔබව සොයනවා දවසෙම …//

මේ සීතල හිමගිරි අරණේ
මට හමුවූ වනපස කුසුමේ …//
පෙති මත සතපා
රැගෙන යන්න මා
කුසුම් නිම්නයේ මාලතියේ

ඔබ නැතුව ඉන්න බැරි තරමට
ඔබ හිතට ඇවිත් හෙමි හෙමිහිට
ඔබ නොදැක ඉන්න බැරි තරමට
නෙත ඔබව සොයනවා දවසෙම

මේ ජීවන අවපස අහසේ
ඔබ පුරපස සඳ වී පිපුණේ …//
ඔබේ රැසින් මා දවාලන්න රෑ
ළය මත සනහා රාජිනියේ

ඔබ නැතුව ඉන්න බැරි තරමට
ඔබ හිතට ඇවිත් හෙමි හෙමිහිට
ඔබ නොදැක ඉන්න බැරි තරමට
නෙත ඔබව සොයනවා දවසෙම …//
ඔබේ සුවඳ මුසුවේ

ගායනය: ආචාර්ය වික්ටර් රත්නායක
පද රචනය: සුජීව ප්‍රසන්නආරච්චි
තනුව: ආචාර්ය වික්ටර් රත්නායක

images (26) Sujeewa

හේ අහින් හේළි අහින්
හේ අහින් හේළි අහින්
හේ අහින් හේළි අහින්

යළි නො එනා ගමනක් දෝ (හේ අහින් හේළි අහින්)
නිම නොවෙනා ගමනක් දෝ (හේ අහින් හේළි අහින්) …//

හේ අහින් හේළි අහින්
හේ අහින් හේළි අහින්
හේ අහින් හේළි අහින්

ළීණි අහින පාර කියන්නේ
මාළු අහින පෙරළි කරන්නේ  (හේ අහින් හේළි අහින්) …//
මූදේ කසු කුසුව ඇසෙන්නේ (හේ අහින් හේළි අහින්)
දෑත දෙපා කඳුළු සලන්නේ (හේ අහින් හේළි අහින්)
මූදේ කසු කුසුව ඇසෙන්නේ (හේ අහින් හේළි අහින්)
දෑත දෙපා කඳුළු සලන්නේ (හේ අහින් හේළි අහින්)

හේ අහින් හේළි අහින්
හේ අහින් හේළි අහින්
හේ අහින් හේළි අහින්

යොතේ තිඹිරි සුවඳ දැනෙන්නේ
පැලේ සුවඳ සුළඟ ගෙනෙන්නේ (හේ අහින් හේළි අහින්) …//
දියඹේ අප තනිව හිඳින්නේ (හේ අහින් හේළි අහින්)
වෙරළේමයි හිත ගැවසෙන්නේ (හේ අහින් හේළි අහින්)
දියඹේ අප තනිව හිඳින්නේ (හේ අහින් හේළි අහින්)
වෙරළේමයි හිත ගැවසෙන්නේ (හේ අහින් හේළි අහින්)

හේ අහින් හේළි අහින්
හේ අහින් හේළි අහින්
හේ අහින් හේළි අහින්
යළි නො එනා ගමනක් දෝ (හේ අහින් හේළි අහින්)
නිම නොවෙනා ගමනක් දෝ (හේ අහින් හේළි අහින්) //

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

Fish_boat_410px_23-08-12 SALINDA-02

සූකිරි කන්දක් මුදුනේ
ප්‍රාර්ථනා මල් පිපිලා
ආදරයේ පැණි විහඟුන්
කන්ද උඩින් පියාසලා
ආ හා හාහා හහහා
කන්ද උඩින් පියාසලා ….//

දියවී ගිය කඳු මුදුනක
මී පැණි පිරි නදියක් වී …//

ගලා බසී අප හදවත්
ඉවුරු බිඳන් රස නෑවී
ආ හා හහහා
ඉවුරු බිඳන් රස නෑවී

සූකිරි කන්දක් මුදුනේ
ප්‍රාර්ථනා මල් පිපිලා
ආදරයේ පැණි විහඟුන්
කන්ද උඩින් පියාසලා
ආ හා හාහා හහහා
කන්ද උඩින් පියාසලා

පැණි ගඟ තුරුලට කරගත්
නුරා සයුරෙ රැලි මාලා …//
දිවගෙන එයි අනුරාගෙන්
දිවගෙන එයි අනුරාගෙන්
සන්තර්පන වෙරළ බලා
ආ හා හහහා
සන්තර්පන වෙරළ බලා

සූකිරි කන්දක් මුදුනේ
ප්‍රාර්ථනා මල් පිපිලා
ආදරයේ පැණි විහඟුන්
කන්ද උඩින් පියාසලා
ආ හා හාහා හහහා
කන්ද උඩින් පියාසලා

ආ හා හහහා
ආ හා හහහා
ආ හා හා හා
හ්ම් හ්ම් හ්ම් හ්ම්…

ගායනය: ආචාර්ය වික්ටර් රත්නායක සමග
සුජාතා අත්තනායක
පද රචනය: චන්ද්‍රරත්න මාපිටිගම
තනුව: සුමේධ හේවාවිතාරණ
(හත්දින්නත් තරු චිත්‍රපටයෙන්)
(1973)

Hathdinnath 20120726-CHANDRATHNE-1

සෝක සැනසුම් වේදනාවන්
ආදරේ පුරවා ගෙනා
ඈගෙ නිලුපුල් දෑසෙ කඳූලැල්
ජීවිතේ මතු වාසනා
ජීවිතේ මතු වාසනා …//

වීණාවේ තත් මැද ගී ගයන්නේ
ඈ සෙනේ හද මිහිර මවා
රන්කේලි බඳිමින් මග සරසන්නේ
ජීවන ගමනේ පිහිට පතා…//

සෝක සැනසුම් වේදනාවන්
ආදරේ පුරවා ගෙනා
ඈගේ නිලුපුල් දෑසේ කඳූලැල්
ජීවිතේ මතු වාසනා
ජීවිතේ මතු වාසනා

මා සිහින විමානේ පැතුම් තටාකේ
ආදර කුසුමන් පිපී තියේ…//
සැනසීම හෝ වැනසීම ඔබගේ
ඔය නිල් දෑසේ රැඳී තියේ

සෝක සැනසුම් වේදනාවන්
ආදරේ පුරවා ගෙනා
ඈගේ නිලුපුල් දෑසේ කඳූලැල්
ජීවිතේ මතු වාසනා
ජීවිතේ මතු වාසනා…//

ගායනය: ආචාර්ය වික්ටර් රත්නායක
පද රචනය: මීගොඩ විල්සන්
තනුව: මර්වින් පෙරේරා

 

Sokasenasum av08122111-4 images (21)

සොඳුරිය ඔබගේ වුවන මලක් නම් //
නිශා කලෙහි ඔබ සෙවු බඹරිඳු මා
සොඳුරිය ඔබගේ

සොඳුරිය ඔබගේ වුවන සඳක් නම්
දිවා කලෙහි පුල් කුමුදු මලෙකි මා ….//

සොඳුරිය ඔබගේ වුවන මලක් නම් //
නිශා කලෙහි ඔබ සෙවු බඹරිඳු මා
සොඳුරිය ඔබගේ

සොඳුරිය ඔබගේ වුවන මිණක් නම්
යොමා බැලුවෙ අහසේ තරු දෙස මා ….//
සොඳුරිය ඔබගේ වියොව දුකක් නම්
සදා දෙනෙත් කඳුළින් සදනුද මා
සදා දෙනෙත් කඳුළින් සදනුද මා

සොඳුරිය ඔබගේ වුවන මලක් නම් //
නිශා කලෙහි ඔබ සෙවු බඹරිඳු මා
සොඳුරිය ඔබගේ

ගායනය: ආචාර්ය වික්ටර් රත්නායක
පද රචනය: දයානන්ද ගුණවර්ධන
තනුව: ලයනල් අල්ගම

 images (11) Dayananda Gunawartdana images (30)

ලබලා තිදසා පුරයේ සැපතා
නොලදිම් සුව හදටා
රජකුල සිරිතා
රුපුසෙන් සේමා
වඩනා පෙම මඬනා

යමුනා තෙරෙහී හසඟන සේමා
සඳවන් වත දිලෙනා …//
නොකළාදෝ මා කුසලා බෝමා //
යුවතී නුඹ ලබනා

ලබලා තිදසා පුරයේ සැපතා
නොලදිම් සුව හදටා
රජකුල සිරිතා
රුපුසෙන් සේමා
වඩනා පෙම මඬනා

හැරදා පිදෙනා නර්තන ජාලා
අභිමන් රජ කිරුළා …//
තනිවෙම් හිමයේ ගිරිලෙන් සෙවණා //
සොවිනා සිත දවනා

ලබලා තිදසා පුරයේ සැපතා
නොලදිම් සුව හදටා
රජකුල සිරිතා
රුපුසෙන් සේමා
වඩනා පෙම මඬනා

ගායනය: ආචාර්ය වික්ටර් රත්නායක
පද රචනය: වසන්ත කුමාර කොබවක
තනුව: ආචාර්ය වික්ටර් රත්නායක

download (10)

මාලිනියේ – (ඉන්ද්‍රජාලය)
මා මනසේ – (අන්ධකාරය)
මා දෑස සොයනා – (ඔබ දෑස නැත)
රුව ඇඳුනා
මාලිනියේ – (නොරැවටෙනු) …//

මංගල පෝරුව මස්තකයේ – (අමන තරුණය)
මම ඇය අත ගනිමී …//
(සිපිරි ගෙය ඔය තරම් සොඳුරුද)

මාලිනියේ – (ඉන්ද්‍රජාලය)
මා මනසේ – (අන්ධකාරය)
මා දෑස සොයනා – (ඔබ දෑස නැත)
රුව ඇඳුනා
මාලිනියේ – (නොරැවටෙනු)

පතිවත රකිනා කුල කුමරී – (අරුම පුදුමය)
මම ඔබ රැක ගනිමී …//
(වරදෙ නොබැඳෙන ළඳුන් ලොව නැත)

මාලිනියේ – (ඉන්ද්‍රජාලය)
මා මනසේ – (අන්ධකාරය)
මා දෑස සොයනා – (ඔබ දෑස නැත)
රුව ඇඳුනා
මාලිනියේ – (නොරැවටෙනු)

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

pal45 images (8)

එපා හිරු පායන්න
අදින් පසු මගේ ලොවට
අදයි අවසන් දවස ඇගෙන් මා…
මගෙන් ඈ සමුගන්න

සැඳෑ තරු නොදිළෙන්න
සරා සඳ නොනගින්න
වෙලී යුඟදුර සතර
අනු දිසා ගිල ගන්න
ගලා යන නදී දොල මිදී…
මිදී නැවතී ඉන්න

එපා හිරු පායන්න
අදින් පසු මගේ ලොවට
අදයි අවසන් දවස ඇගෙන් මා…
මගෙන් ඈ සමුගන්න

ලිය මඩුලු තුරු සිරස
එපා මල් පළදින්න…
වසන්තය නිමා විය
කොවුලනේ ගොළු වන්න
සොබාදම් නෑසියනි සැලී…
සැලී කම්පා වන්න..

එපා හිරු පායන්න
අදින් පසු මගේ ලොවට
අදයි අවසන් දවස ඇගෙන් මා…
මගෙන් ඈ සමුගන්න

ගායනය: ආචාර්ය වික්ටර් රත්නායක
පද රචනය: කුමාරදාස සපුතන්ත්‍රී
තනුව: ආචාර්ය වික්ටර් රත්නායක

howcanIsaygoodbye images (31) Sapu

හුරතලේට කවි කියමින් එහෙ මෙහෙ ගිය මං
බාල බොළඳ බස් දොඩමින් කැලේ පැන්න මං
බාල වියෙන් පිටමං වී යොවුන් වියට පිය මැන්නේ…
පිය ළඳුනේ නුඹ නිසාය …//

කැදලි පුරා කුරුළු පුරේ ආල හැඟුම් මැවෙනු දුටිම්
කැලේ පුරා ලතා ළපළු තුරු වැල් පෙම් කෙළිනු දුටිම් …//
එවන් දසුන් මා දුටුවේ
පිය ළඳුනේ නුඹ නිසාය

හුරතලේට කවි කියමින් එහෙ මෙහෙ ගිය මං
බාල බොළඳ බස් දොඩමින් කැලේ පැන්න මං
බාල වියෙන් පිටමං වී යොවුන් වියට පිය මැන්නේ…
පිය ළඳුනේ නුඹ නිසාය

උනුන් හඹා දුවන පනින සමනල පෙම් වතුන් දුටිම්
රැළෙන් වෙන් ව පීනා යන ආදරවන්තයින් දුටිම් …//
එවන් දසුන් මා දුටුවේ
පිය ළඳුනේ නුඹ නිසාය

හුරතලේට කවි කියමින් එහෙ මෙහෙ ගිය මං
බාල බොළඳ බස් දොඩමින් කැලේ පැන්න මං
බාල වියෙන් පිටමං වී යොවුන් වියට පිය මැන්නේ…
පිය ළඳුනේ නුඹ නිසාය …//

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

teenlove 174_1

ගිගිරි ගීත රාවේ
මලවී හී සරේ…//
සබඳ අද කිමදෝ …
බමන ලෝකෙට කෑ ගසා කීවේ
ගිගිරි ගීත රාවේ
මලවී හී සරේ

ආහා හාහා ආහා ආහා ආහා ආහා
හ්ම්ම් ම්ම් හ්ම් හ්ම් හ්ම් හ්ම්ම් ….//

උමතු දෑස රෑ තුන් යාමේ
ලගින මේ නුරා අම්බලමේ…//
හදේ සෝක පීඩා වියැකේ
හැංගෙන්න මායා සිහිනයේ…

ගිගිරි ගීත රාවේ
මලවී හී සරේ…//

ආහා හාහා ආහා ආහා ආහා ආහා
හ්ම්ම් ම්ම් හ්ම් හ්ම් හ්ම් හ්ම්ම් ….//

තරිඳු තාම නාඹර වයසේ
රඟනු රංඟ රන් රඟ මඬලේ…//
කුමුදු යාය මල් බර මොහොතේ
රොන්ගන්න පෙම් මල් වනපෙතේ…

ගිගිරි ගීත රාවේ
මලවී හී සරේ…//
සබඳ අද කිමදෝ …
බමන ලෝකෙට කෑ ගසා කීවේ
ගිගිරි ගීත රාවේ
මලවී හී සරේ

ආහා හාහා ආහා ආහා ආහා ආහා
හ්ම්ම් ම්ම් හ්ම් හ්ම් හ්ම් හ්ම්ම් ….///

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ඩී. ආර්. පීරිස්
(දියමන්ති චිත්‍රපටයෙන්)

20120503-diyamanthi DR Peiris ar-22 images (5)

ඇත් රජුනි ඔබ එන්න
සද්දන්ත පෙම රැගෙන
අනුරාගයට ප්‍රථම
ඔබ දෙපා නමදින්න
අනේ මට ඉඩ දෙන්න

සඳ රැජිණ ඔබ ඉන්න
මල් විලෙක පියා නෙත
ස්වයංවරයට ප්‍රථම
මගේ සඳ දැක ගන්න
ප්‍රියේ මට ඉඩ දෙන්න

අකලංක මලින් පිරි
සඳ යහන මත වැතිර
නිරිඳුනේ මම ඉඳිමි
ඔබ නෙතින් ඉඳුල් වෙමි
මම ඔබේ රැජින වෙමි

පුර පසින් සඳ නැගී
අවපසින් බසින තුරු
රැජිණියේ මම ඉඳිමි
ඔබ දෙසම බලා ඉමි
මම ඔබේ රජුන් වෙමි

සියපතක් ලෙස සිතා
ඔබ දෙපා සිප ගනිමි
මගේ දෙවිඳුන් ඔබයි
දේව දාසියක් වෙමි
ප්‍රේමයේ වන්දනා

රන් රුවන් කරඬුවක්
ලෙසින් ඔබ රැක ගනිමි
හදේ ලේ බිඳු රැගෙන
ලයේ පෙම් කව ලියමි
පාද පරිචාරිකා

ඇත් රජුනි ඔබ එන්න
සද්දන්ත පෙම රැගෙන
අනුරාගයට ප්‍රථම
ඔබ දෙපා නමදින්න
අනේ මට ඉඩ දෙන්න

සඳ රැජිණ ඔබ ඉන්න
මල් විලෙක පියා නෙත
ස්වයංවරයට ප්‍රථම
මගේ සඳ දැක ගන්න
ප්‍රියේ මට ඉඩ දෙන්න

ගායනය: ආචාර්ය වික්ටර් රත්නායක සමග උරේෂා රවිහාරි
පද රචනය: සුජීව ප්‍රන්නආරච්චි
තනුව: ජයන්ත රත්නායක

Ethrajuni 525869_305289352879700_100001959139767_698929_1283419331_n download (12) Sujeewa Jayantha

හිත මිතුරු සුළඟ ළඟ එන වැහි වළාවට කියන්
අද නොපැමින අන් දිනයක වැසි රැගෙන එන ලෙසින්
දිගු කලෙකින් ඈ මුණ ගැසේවි හසඟනක් වෙසින්
වැසි වැටුනොත් ඒ සොඳුරු මොහොත අඳුරු වෙයි සැනින් …//

වීදි පුරා වතුර පිරෙයි
හෙමින් හෙමින් මුමුණ මුමුණ
ඇවිද යමි කෙසේ…
තණ නිල්ලේ ගොහොරු සැදෙයි
කථා නැතිව අනන්ථයට
ඉගිල යමි කෙසේ…

හිත මිතුරු සුළඟ ළඟ එන වැහි වළාවට කියන්
අද නොපැමින අන් දිනයක වැසි රැගෙන එන ලෙසින්
දිගු කලෙකින් ඈ මුණ ගැසේවි හසඟනක් වෙසින්
වැසි වැටුනොත් ඒ සොඳුරු මොහොත අඳුරු වෙයි සැනින්

අප සමුගත් පසු වසින්න
ගං හෝ වැව් ඉපිල ඉපිල
ඉතිර යනතුරා…
හෝරා දෙක තුනක් ඉන්න
නෑවිත් වැහි වළාබඳේ
කඩ ඉමෙන් මෙහා…

හිත මිතුරු සුළඟ ළඟ එන වැහි වළාවට කියන්
අද නොපැමින අන් දිනයක වැසි රැගෙන එන ලෙසින්
දිගු කලෙකින් ඈ මුණ ගැසේවි හසඟනක් වෙසින්
වැසි වැටුනොත් ඒ සොඳුරු මොහොත අඳුරු වෙයි සැනින් …//

දිගු කලෙකින් ඈ මුණ ගැසේවි හසඟනක් වෙසින්
වැසි වැටුනොත් ඒ සොඳුරු මොහොත අඳුරු වෙයි සැනින් …//

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

the-sky-the-earth-and-the-rain aw0907261

ඇයගේ ඇකයෙහි
ඔබ හිස රඳවා
සැණැහුනු මොහොතක ඔබේම දෙනෙතින්
මා ඔබ දු‍ටුවා ඇයට නොවේ
ඔබට පමණි ඔබ ආදරේ

වසන්ත දෙකොපුල
නිදි වැරු තොල් මල
දසැඟිලි තුඩු අග
පිබිදුණු රනහස
ඇයට ආදරේ ආදරේ මම
ඇයට ආදරේ ආදරේ

ඇගේ සුරත ගෙන
පිණි විල්ලුද මත
ඇයට ඇලුම් බව
ඔබ පැවසූ පසු
පෙරළා ඔබ හට
පෙම් කරණා බව
ඇය මුමුණන සඳ
ඔබ සිත සුවපත් වේ
ඔබ සිත සුවපත් වේ

ඇයට පමණි මම ආදරේ
ඔබට පමණි ඔබ ආදරේ
ඇයට පමණි මම ආදරේ
ඔබට පමණි ඔබ ආදරේ
ඇයට පමණි මම ආදරේ
ඔබට පමණි ඔබ ආදරේ

ගායනය: ආචාර්ය වික්ටර් රත්නායක සමග ඩබ්. ඩී. අමරදේව
පද රචනය: බණ්ඩාර කේ. විජේතුංග
තනුව: ආචාර්ය වික්ටර් රත්නායක

lovers pal3  amaradewa1 Bandara Wijethunga

කුරුල්ලන්ට ගී හදන්න
ගහට කොළට පාට එන්න
වීසි කළෙමි හදේ තිබුණු
ආදරයයි, කරුණාවයි
කාටවත් නොදී …//

විරහ වේදනා වින්දා
ඇසුවෙමි අවමන් නින්දා
ආදරයත් කරුණාවත්
හදේ දරා සිටි හන්දා

කුරුල්ලන්ට ගී හදන්න
ගහට කොළට පාට එන්න
වීසි කළෙමි හදේ තිබුණු
ආදරයයි, කරුණාවයි
කාටවත් නොදී

කුරුලු ගීත මට ඇහුණා
ගහේ කොළේ මල් පිපුණා
ළඳකට පිදුවාට වඩා
සතුටක් මට ඉන් දැනුණා

කුරුල්ලන්ට ගී හදන්න
ගහට කොළට පාට එන්න
වීසි කළෙමි හදේ තිබුණු
ආදරයයි, කරුණාවයි
කාටවත් නොදී …//

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: ආචාර්ය වික්ටර් රත්නායක

bird watching images (5) images (40)

ලස්සණ තාලෙට තිස්සෙම ගැස්සෙන
යනවිට ගමන අගේ
ලිස්සන පීල්ලෙ කැරකෙන රෝදේ
දුටුවම පුදුම නැගේ
දුටුවම පුදුම නැගේ

මැණිකෙල බල බල නුවරට යන කල
සුන්දර සිහින මැවේ
තේ වතු පොල්වතු ඈතින් කඳු පෙළ
සැනසිලි සිසිල ගෙනේ
සැනසිලි සිසිල ගෙනේ

ලස්සණ තාලෙට තිස්සෙම ගැස්සෙන
යනවිට ගමන අගේ
ලිස්සන පීල්ලෙ කැරකෙන රෝදේ
දුටුවම පුදුම නැගේ
දුටුවම පුදුම නැගේ

උතුරට දකුණට යන විට හැමවිට
සිරි දෙව් දූ හමුවේ
කෙත් බිම් හමුවන තොරතුරු කියැවෙන
දිවයන තිප්පල වේ
දිවයන තිප්පල වේ

ලස්සණ තාලෙට තිස්සෙම ගැස්සෙන
යනවිට ගමන අගේ
ලිස්සන පීල්ලෙ කැරකෙන රෝදේ
දුටුවම පුදුම නැගේ
දුටුවම පුදුම නැගේ

උඩරට මැණිකෙට පට කුඩ දෙක දෙක
අරගෙන ගිය ගමනයි
රජවරු මැතිවරු මංගල නැකතට
කැඳවා ගිය ගමනයි
කැඳවා ගිය ගමනයි

ලස්සණ තාලෙට තිස්සෙම ගැස්සෙන
යනවිට ගමන අගේ
ලිස්සන පීල්ලෙ කැරකෙන රෝදේ
දුටුවම පුදුම නැගේ
දුටුවම පුදුම නැගේ

ගායනය: ආචාර්ය වික්ටර් රත්නායක
පද රචනය: ජෝර්ජ් ලෙස්ලි රණසිංහ
තනුව: ආචාර්ය ප්‍රේමසිරි කේමදාස
(නාරිලතා චිත්‍රපටයෙන්)
(1969)

sinhala-Cinema-1 OLYMPUS DIGITAL CAMERA Kemadasa

කාසි වලට ගන්නත් බෑ
කාසි වලට දෙන්නත් බෑ
මනුස්සකම මිනිස්සුනේ
කාසි වාසි ඇති අය ළඟ
බොහොම හිඟයි ගන්නට නෑ
මනුස්සකම මිනිස්සුනේ …//

දිඹුල් ගහක් ළඟට ගිහින්
අඬන්නෙපා මල් ඉල්ලා

මරු කතරක් මැදට ගිහින්
අඬන්නෙපා දිය ඉල්ලා …//

කාසි වලට ගන්නත් බෑ
කාසි වලට දෙන්නත් බෑ
මනුස්සකම මිනිස්සුනේ
කාසි වාසි ඇති අය ළඟ
බොහොම හිඟයි ගන්නට නෑ
මනුස්සකම මිනිස්සුනේ

දිය දෝතක් බොන්න ඕනා
දිය දෝතක් පිරුණු අතින්

මල් අහුරක් ගන්න ඕනා
මල් අහුරක් තියෙන අතින් …//

කාසි වලට ගන්නත් බෑ
කාසි වලට දෙන්නත් බෑ
මනුස්සකම මිනිස්සුනේ
කාසි වාසි ඇති අය ළඟ
බොහොම හිඟයි ගන්නට නෑ
මනුස්සකම මිනිස්සුනේ …//

ගායනය: ආචාර්ය වික්ටර් රත්නායක
පද රචනය: පූජ්‍ය රඹුකන සිද්ධාර්ථ හිමි
තනුව: ආචාර්ය වික්ටර් රත්නාය

n09052211-1 a52_3 RevSiddhartha

ඉරට සඳට තරු වැලට සොරා
ඇළට දොළට බිඟු කැළට සොරා
මොහොතක් හිනැහෙමු පැයක් හඬන්නට
රෑ අඳුරේ
හමු වී
තනි වී…//

ළදළු ළපත් සැලුණේ සුසුමින්
අපේ මුවින් නැගෙනා
සයුරු විමන් පිරුණේ කඳුළින්
අපේ නෙතින් ගලනා

ඉරට සඳට තරු වැලට සොරා
ඇළට දොළට බිඟු කැළට සොරා
මොහොතක් හිනැහෙමු පැයක් හඬන්නට
රෑ අඳුරේ
හමු වී
තනි වී

නෙතින් නෙතක උතුරා ගැලුවේ
අපේ නැවුම් සිහිනේ
යොවුන් ලොවම සිරවී බැඳුණේ
අපේ සිතුම් රැහැනේ

ඉරට සඳට තරු වැලට සොරා
ඇළට දොළට බිඟු කැළට සොරා
මොහොතක් හිනැහෙමු පැයක් හඬන්නට
රෑ අඳුරේ
හමු වී
තනි වී

ගායනය: ආචාර්ය වික්ටර් රත්නායක
පද රචනය: කුමාරදාස සපුතන්ත්‍රී
තනුව: ආචාර්ය වික්ටර් රත්නායක

images (29) ar-16-1

සඟවා ගනු මැන ඔබැ රුව සොඳුරියෙ
අනිකෙකු නෙත් ඔබැ මුව මත ගැටෙතැයි
මා හද බියවී
සැලී සැලී යයි …//
මහ වන පියසෙක අඳුරු ගුහාවෙක
යම් දිනයෙක ඔබ සඟවා තබනෙමි …//

හිරු රැස් බිඳැකුදු ඔබෙ රුව දුටු සඳ
ඉරිසියාවෙන් පිරැවෙයි මා හද
සඟවා ගනු මැන ඔබැ රුව සොඳුරියෙ
අනිකෙකු නෙත් ඔබැ මුව මත ගැටෙතැයි
මා හද බියවී
සැලී සැලී යයි

සොමි සඳවත ලෙස රුසිරු නොවිනි නම්
දහසක් නෙත් ඔබ දුටුවද කම් නැත …//

එනමුදු ඊයේ මට පෙන් වූ රුව
තව නෙත් දෙකකට හිමි විය යුතු නැත

සඟවා ගනු මැන ඔබැ රුව සොඳුරියෙ
අනිකෙකු නෙත් ඔබැ මුව මත ගැටෙතැයි
මා හද බියවී
සැලී සැලී යයි …//

ගායනය: ආචාර්ය වික්ටර් රත්නායක
පද රචනය: බණ්ඩාර කේ. විජේතුංග
තනුව: ආචාර්ය වික්ටර් රත්නායක

f-5-3 vlcsnap-2013-10-06-23h22m56s154

නිය පෙළ සිඳලයි දෑත පාන්නේ
තුරුළට ගන්නට ආදරයෙන්
දැලිපත සිඳ ලයි කොපුල පාන්නේ
මුව සිප ගන්නට ආදරයෙන් …//

මව් නැති යාමේ මා උර මඬලේ
දෙතොල් හොවයි කිරි සුවඳ සොයා …//
දහදිය සුවඳක් දැණුනිද පුතුනේ
දෙරණට මුහුවන නුඹ වෙනුවෙන්

නිය පෙළ සිඳලයි දෑත පාන්නේ
තුරුළට ගන්නට ආදරයෙන්
දැලිපත සිඳ ලයි කොපුල පාන්නේ
මුව සිප ගන්නට ආදරයෙන්

නිදි නැති යාමේ මා ළය තුරුලේ
කැළුම් ගෙනෙයි මුදු සිනහ පපා …//
උණුසුම් සුසුමක් දැණුනිද පුතුනේ
පවනට මුහුවන නුඹ වෙනුවෙන්

නිය පෙළ සිඳලයි දෑත පාන්නේ
තුරුළට ගන්නට ආදරයෙන්
දැලිපත සිඳ ලයි කොපුල පාන්නේ
මුව සිප ගන්නට ආදරයෙන්

ගායනය: ආචාර්ය වික්ටර් රත්නායක
පද රචනය: සිසිර දිසානායක
තනුව: ආචාර්ය වික්ටර් රත්නායක

dads-love1 av-06

කොහේද කොහේද අපේ ලොවක්
කොහේද කොහේද අපේ රටක්
මුරකාවල් නැති
වැට කොටු බැමි නැති
අපේම අපේම නවාතැනක්

රාජ කුමාරයන් කුමාරියන් ඉන්න පළාතක්
නපුරු රාස්සයන් රාස්සියන් ඉන්න කැලෑවක්
පුංචි සුරංගනාවන් සැඟවී ඉන්න වලාවක්
අපට හිතු මතයේ රජ කරගෙන ඉන්න දිහාවක්

කොහේද කොහේද අපේ ලොවක්
කොහේද කොහේද අපේ රටක්
මුරකාවල් නැති
වැට කොටු බැමි නැති
අපේම අපේම නවාතැනක්

කිඳුරු විමානයට පාර ළඟයි එන්න යාළුවේ
මූදු හතක් එහා ඔරු පදින්න එන්න යාළුවේ
මකර කටෙන් රාජ බවනට යමු රන්න යාළුවේ
අපිම අපේ ලොවක් සොයාගන්න එන්න යාළුවේ

කොහේද කොහේද අපේ ලොවක්
කොහේද කොහේද අපේ රටක්
මුරකාවල් නැති
වැට කොටු බැමි නැති
අපේම අපේම නවාතැනක්

මුරකාවල් නැති
වැට කොටු බැමි නැති
අපේම අපේම නවාතැනක් ….//

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: පණ්ඩිත් ඩබ්. ඩී. අමරදේව
(මඩොල්දූව චිත්‍රපටයෙන්)

1116 madol-duwa-1

රුවන් නිදන හෙළ බිමයි
නුවන් හදන හෙළ බිමයි
නිවන් පුදන හෙළ බිමයි
ලොව හෙලිකල හෙළ බිමයි …//

මගේ රුවන හෙළ බිමයි
මගේ නුවන හෙළ බිමයි
මගේ නිවන හෙළ බිමයි …..//

මිහිරෙන් පිරි හෙළ බිමයි
රුහිරින් දැරි හෙළ බිමයි
ඉසුරින් සරි හෙළ බිමයි
ලොව බලපෑ හෙළ බිමයි ……//

මගේ මිහිර හෙළ බිමයි
මගේ රුහිර හෙළ බිමයි
මගේ ඉසුර හෙළ බිමයි …..//

විරුවන් ලත් හෙළ බිමයි
පඬිදුන් පත් හෙළ බිමයි
දුටුවන් මත් හෙළ බිමයි
ලොව හෙබැවූ හෙළ බිමයි …..//

මගේ තිදස හෙළ බිමයි
මගේ සිරස හෙළ බිමයි
මගේ නිවස හෙළ බිමයි ….//

ගායනය: ආචාර්ය වික්ටර් රත්නායක
පද රචනය: කො.වෙ.පඤ්ඤාපාල
තනුව: ආචාර්ය වික්ටර් රත්නායක

images (32) as0902012

මිහිරෙන් මා දිනු බාල ලඳුන්
කෝමල ඔබ මා නෙතට අඳුන්
අමල් බිසෝ මගේ අමල් බිසෝ
අමල් බිසෝ මගේ අමල් බිසෝ
ඔබගෙන් මා හදවත උණුසුම්

පැතුමන් පිරුණැයි දෙපය බිම හෙලා ඉන්න හැකී
ආදරයෙන් අනාගතේ සරසන්න හැකී
බුහුමන් ලැබුණැයි රජ වාසල වෙත යන්න හැකී
උදම් හිතින් මතුදා හි‍රු දැක ගන්න හැකී

මිහිරෙන් මා දිනු බාල ලඳුන්
කෝමල ඔබ මා නෙතට අඳුන්
අමල් බිසෝ මගේ අමල් බිසෝ
අමල් බිසෝ මගේ අමල් බිසෝ
ඔබගෙන් මා හදවත උණුසුම්

හැඟුමන් ඔකඳයි රන් අසිපත ලෙළවන්න හැකී
අවබෝදෙන් එහි මුවහත ජයගන්න හැකී
පියුමන් පිපුණැයි මල් මාලා අමුණන්න හැකී
නවෝදෙකින් ආයෙම මෙහි පැමිණෙන්න හැකී

මිහිරෙන් මා දිනු බාල ලඳුන්
කෝමල ඔබ මා නෙතට අඳුන්
අමල් බිසෝ මගේ අමල් බිසෝ
අමල් බිසෝ මගේ අමල් බිසෝ
ඔබගෙන් මා හදවත උණුසුම්

අමල් බිසෝ මගේ අමල් බිසෝ

ගායනය: ආචාර්ය වික්ටර් රත්නායක
පද රචනය: ඔගස්ටස් විනයාගරත්නම්
තනුව: ආචාර්ය වික්ටර් රත්නායක

ART_Semage ඔගස්ටස් විනයාගරත්නම්

ඇසේ කඳුළු බිඳු ඉවරවෙලා
ඔබේ පෙමට හඬලා
ඇලට දොළට මුහුදට යළි දෙනු බෑ
ඇසට කඳුළු කිසිදා //
ඇසේ කඳුළු බිඳු ඉවරවෙලා

එක තරුවක්වත් නැති බොල් අහසක් සේ
නිල්ල වසා ගිය වැහි කළුවක් සේ
ජීවිතයෙන් ඔබ පලා ගියේ..
දුවන මුවන් දැක නෙලූ පලා බිම හෙලු දිනේ

ඇසේ කඳුළු බිඳු ඉවරවෙලා
ඔබේ පෙමට හඬලා
ඇලට දොළට මුහුදට යළි දෙනු බෑ
ඇසට කඳුළු කිසිදා //
ඇසේ කඳුළු බිඳු ඉවරවෙලා

කැඩපතකින් රුව දැක ඔබ ඔබෙ මුහුණේ
යම් දවසක මතු හඬන දිනක් එයි
එදාට ඔබෙ දුක් බෙදා හදා
හඬනු කෙසේදෝ ඔබේ කඳුළු හා තුරුල් වෙලා

ඇසේ කඳුළු බිඳු ඉවරවෙලා
ඔබේ පෙමට හඬලා
ඇලට දොළට මුහුදට යළි දෙනු බෑ
ඇසට කඳුළු කිසිදා //
ඇසේ කඳුළු බිඳු ඉවරවෙලා

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: ආචාර්ය වික්ටර් රත්නායක

end

සමුගන්නට අවසරයි
අවසරයි අවසරයි
මගේ හිත මට දෙන්නකෝ
ඔබෙ හිත අරගන්න අවසරයි…//

තව ලඳකට මේ හිත පුද දෙන්න – අවසරයි
අත් හැර ඔබෙ අත් ඇගෙ අතගන්න අවසරයි – අවසරයි
තුන් හිතකින්වත් ඔබ නොපෙනෙන්න අවසරයි – අවසරයි
ලස්සන යුග දිවි පෙවෙතක යන්න අවසරයි
අවසරයි අවසරයි

සමුගන්නට අවසරයි
අවසරයි අවසරයි
මගේ හිත මට දෙන්නකෝ
ඔබෙ හිත අරගන්න අවසරයි

පෙම් ලොව විසිතුරු ඇය හා විඳිමි – අවසරයි
රන් සමනල ලෝකයකට යන්න අවසරයි – අවසරයි
ඒ ලොව හිඳ මා හිත රිදවන්න අවසරයි
මග වැරදුනු දා මා‍ වෙත එන්න අවසරයි

සමුගන්නට අවසරයි
අවසරයි අවසරයි
මගේ හිත මට දෙන්නකෝ
ඔබෙ හිත අරගන්න අවසරයි

ගායනය: ආචාර්ය වික්ටර් රත්නායක සමග නිරංජලා සරෝජිනී
පද රචනය: ප්‍රේමකීර්ති ද අල්විස්
තනුව: ආචාර්ය වික්ටර් රත්නායක

Ethrajuni niranjala

බනින්නෙපා පොඩි දෝණිට
ගහන්නෙපා
හාල් මිටක් දුව අරගෙන ඇත්තේ
සෙල්ලම් බත් උයන්නයි …//

දුරුතු පෝය දා කැලණි විහාරේ
වඳින්න ගොස් අප එන ගමනේ
වළං මුට්ටි පොඩි අරගෙන දුන්නේ
සෙල්ලම් බත් උයන්නයි
සෙල්ලම් බත් උයන්නයි

බනින්නෙපා පොඩි දෝණිට
ගහන්නෙපා
හාල් මිටක් දුව අරගෙන ඇත්තේ
සෙල්ලම් බත් උයන්නයි

මුට්ටි වළං පොඩි ලිප උඩ තියලා
සෙල්ලම් බත් උයලා දෙන්නයි
අපි දෙන්නාටම ඉන් බත් කට කට
දුවගෙ අතින් කවන්නයි
දුවගෙ අතින් කවන්නයි

බනින්නෙපා පොඩි දෝණිට
ගහන්නෙපා
හාල් මිටක් දුව අරගෙන ඇත්තේ
සෙල්ලම් බත් උයන්නයි

ගායනය: ආචාර්ය වික්ටර් රත්නායක
පද රචනය: ධර්මසිරි ගම‍ගේ
තනුව: රෝහණ වීරසිංහ

images (42) z_p-37-The-last-02 z_p17-Rice-02

මල් පොකුරු පොකුරු ඇය එන මඟ
ඈ දෙසටම නැමීයන්
මල් අසිරි සිරිය ඇගෙ මුහුණින්
මල් පොකුරට ලැබීයන්…//

නිල්ල නිලන ගහකොල මත පින්න පිපීලා
ඇගෙ පුංචි ටිකිරි පාවට කොට රංචු ගැසීලා
පින්න පිපීලා ඇ ලඟ රංචු ගැහීලා
ඇගෙ පුංචි ටිකිරි පාවට කොට රංචු ගැසීලා

මල් පොකුරු පොකුරු ඇය එන මඟ
ඈ දෙසටම නැමීයන්
මල් අසිරි සිරිය ඇගෙ මුහුණින්
මල් පොකුරට ලැබීයන්

සිංදු කියන බමරු විලස ළංව නැමීලා
අයදින්න හිතයි ආදරයක් දෙන්න කියාලා
ළංව නැමීලා සෙනෙහස දෙන්න කියාලා
අයදින්න හිතයි ආදරයක් දෙන්න කියාලා

මල් පොකුරු පොකුරු ඇය එන මඟ
ඈ දෙසටම නැමීයන්
මල් අසිරි සිරිය ඇගෙ මුහුණින්
මල් පොකුරට ලැබීයන්…//

ගායනය: ආචාර්ය වික්ටර් රත්නායක
පද රචනය: අජන්තා රණසිංහ
තනුව: ස්ටැන්ලි පීරිස්

Untitled-1 (1) 55 ajanatha download (13)

මියුරු කල්පනා
නෙතක දැල් වුනා
අමයුරු රස හසකැන් මැද
සිතක් හිනැහුනා
වරෙක නැළැවුනා
වරෙක ලතැවුනා
නුපුරුදු ගිණි දහසක් මැද
සිතක් මැලැවුනා
මියුරු කල්පනා

හිමගිර මට වැලි අහුරකි
මහ සමුදුර දිය රැල්ලකි…//
කටු අකුලෙන් මල් පුබුදමි
ඔබ සැනසේ නම්…

මියුරු කල්පනා
නෙතක දැල් වුනා
අමයුරු රස හසකැන් මැද
සිතක් හිනැහුනා
මියුරු කල්පනා…

පිණි බිදකින් මුතු අමුණමි
ගිණිසුරුගෙන් සීතල දෙමි…//
කඩුතුඩු මත සැතපෙන්නෙමි
ඔබ සැනසේ නම්…

මියුරු කල්පනා
නෙතක දැල් වුනා
අමයුරු රස හසකැන් මැද
සිතක් හිනැහුනා
වරෙක නැළැවුනා
වරෙක ලතැවුනා
නුපුරුදු ගිණි දහසක් මැද
සිතක් මැලැවුනා
මියුරු කල්පනා

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: සරත් දසනායක
දිනුම් කණුව චිත්‍රපටයෙන්

Dinumkanuwa sarathdasanayaka

සඳකැන් වැසිලා අඳුරේ එතිලා
ගණඳුරු රෑ තනිකම නෑ
සොයා එන්න ගණඳුර තරු නිවලා
මගේ එළිය අද ඔබ පමණී …//

ජිවිතම සතු එකම සුවේ
හී සර පහරක වෙළෙනු පෙනේ …//
මේ ලොව මා සතු ඈ සතු ඒ නෙතු
අසල් වාසියෙකු සොයනු දැනේ

සඳකැන් වැසිලා අඳුරේ එතිලා
ගණඳුරු රෑ තනිකම නෑ
සොයා එන්න ගණඳුර තරු නිවලා
මගේ එළිය අද ඔබ පමණී

මා නැත අන්සතු සිත් බිඳලා
දෑතම බැඳගෙන ඉඳිමි බලා …//
මේ ලොව යම් දවසක අපි වෙන්වෙමු
රහස් අහස් තලයට පවරා

සඳකැන් වැසිලා අඳුරේ එතිලා
ගණඳුරු රෑ තනිකම නෑ
සොයා එන්න ගණඳුර තරු නිවලා
මගේ එළිය අද ඔබ පමණී
සඳකැන් වැසිලා අඳුරේ එතිලා///

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: ආචාර්ය වික්ටර් රත්නායක

moonlight-dancing

සරා සොඳූරු මල් පැටලී
ලිහී නොයන ජීවිතයයි
නුරා දියර ඟගුල් හැලී
සිහිල සදන ජීවිතයයි

කැකුළු හිනා මුතු එළියේ
අඳූරු ලෙනේ දොර මතුවේ
සැලේ මහද සැලේ සැලේ

වනේ මලක හද විමනේ
බඹරු වඩින ජීවිතයයි
පිපාසිත වු මරු කතරේ
පොකුරු වසින ජීවිතයයි
ගලා හැළෙන සිලි සිලියේ
අමා කඳක සුව ගෙන ඒ
නිවේ මහද නිවේ නිවේ

කුණාටු මැද බොල් අහසේ
එබී බලන සඳ පළුවයි
පුරා හඳට ඉඩ සලසන
අනාගතය ඔබ පමණයි
සැලේ මහද සැලේ සැලේ

අනාගතය ඔබ පමණයි
සැලේ මහද සැලේ සැලේ…//

ගායනය: ආචාර්ය වික්ටර් රත්නායක සමග නන්දා මාලිනී
පද රචනය: මහගම සේකර
තනුව: ප්‍රේමසිරි කේමදාස
හන්තානේ කතාව චිත්‍රපටයෙන්

ar10011710-1 mahagamasekara4 kemadasa (1)

යසෝදරා වේවා …
ඔබ යසෝදරා වේවා …//

එව කව බොව සැනසිලි බසිනා සිත නිවනා
දරු දැරියන් නළවා උකුලත දුක් විඳිනා
ගෙය ඇමදා රස මසවුළු පිස සිත පොබ කරණා
රැය මා එන තුරු ගෙමිඳුල හිඳ මග බලනා

යසෝදරා වේවා …
ඔබ යසෝදරා වේවා …//

අඬ දබරා වියවුල් මෙන් සහනය දෙවනා
කම්පාවන කළ උරතල මත හිස සතපවනා
මා ජීවත් වන තුරු මගෙ තනි නොතනිය මකනා
ලෙව් තල ඔබ පමණකි මා දුටු දෙව් අඟනා

යසෝදරා වේවා …
ඔබ යසෝදරා වේවා …///

ගායනය: ආචාර්ය වික්ටර් රත්නායක
පද රචනය: ප්‍රේමකීර්ති ද අල්විස්
තනුව: සෝමපාල රත්නායක

images (34)

සඳ හිරු තරු පවතින තුරු අපි මැරෙන්නෙ නෑ
අනඟ තරුණ බඹරු අපි අමර වරම අපිට හිමි
අපි මැරෙන්නෙ නෑ අපි මැරෙන්නෙ නෑ….//

කලක මෙහෙන් චුත වෙනවා (කලක මෙහෙන් චුත වෙනවා)
එලොව ‍ගිහින් වැජඹෙනවා (එලොව ‍ගිහින් වැජඹෙනවා) …//
පෙලපත නම වෙනස්වෙලා
ආයෙත් මෙලොවට එනවා
එහෙම මිසක් කිසිම දිනක
අපි මැරෙන්නෙ නෑ

සඳ හිරු තරු පවතින තුරු අපි මැරෙන්නෙ නෑ
අනඟ තරුණ බඹරු අපි අමර වරම අපිට හිමි
අපි මැරෙන්නෙ නෑ අපි මැරෙන්නෙ නෑ

හැරමිටියෙන් ඇවිදින්නෝ (හැරමිටියෙන් ඇවිදින්නෝ)
අපට එරෙහි වී එන්නෝ (අපට එරෙහි වී එන්නෝ) …//
සීමා මායිම් වැටකොටු මේ කිසිවක් අපට නැතේ
වැරදීමෙන් හුස්ම ගියත් අපි හඩන්නෙ නෑ

සඳ හිරු තරු පවතින තුරු අපි මැරෙන්නෙ නෑ
අනඟ තරුණ බඹරු අපි අමර වරම අපිට හිමි
අපි මැරෙන්නෙ නෑ අපි මැරෙන්නෙ නෑ…//

ගායනය: ආචාර්ය වික්ටර් රත්නායක
පද රචනය: මහාචාර්ය සුනිල් ආරියරත්න
තනුව: ආචාර්ය වික්ටර් රත්නායක

logoA  vlcsnap-2013-01-21-21h21m55s155

පාවෙලා හෙමින් ඇවිත්
ඉන්න මා ළඟින්
සීත රෑ වලාකුළේ
ඉන්න මා ළඟින්

මාපියන් සොහෝයුරන්
දුරුකතර ගිහිං
ප්‍රේමයේ පැතුම් මලක්
පරවෙලා ගිහිං

විරහ ගීතයක් ගයන්න
තනුව මට දියන්
මා පැතූ නුඹේ නුවන්
සිහිල පාකරන්

පාවෙලා හෙමින් ඇවිත්
ඉන්න මා ළඟින්
සීත රෑ වලාකුළේ
ඉන්න මා ළඟින්

විරහ ගීතයක් ගයන්න
තනුව මට දියන්
මා දමා මගේ ළඟින්
හැංගිලා නොයන්

පාවෙලා හෙමින් ඇවිත්
ඉන්න මා ළඟින්
සීත රෑ වලාකුළේ
ඉන්න මා ළඟින්

මා පියන් සොහෝයුරන්
දුරුකතර ගිහිං
ප්‍රේමයේ පැතුම් මලක්
පරවෙලා ගිහිං

ගායනය: ආචාර්ය වික්ටර් රත්නායක
පද රචනය: බුද්ධදාස ගලප්පත්ති
තනුව: සෝමපාල රත්නායක

hqdefault (2) BUDDADASA-02 images (4)

පෙම් රස වෑහෙන මංගල ගීතේ ජීවිතේ
මධුරස වෑහෙනා
ආදර නැකත ළඟා වේ

නිල්වන පියසේ පුංචි කැදැල්ලේ ආදරේ
දෙතොල’ග ගී සැරේ
මී වද සුවඳ සදා දේ

පෙම් කතරේදී දෑස නිවාලන
අවාරයේ ආ
පිනි වරුසා වේවා …//
ඒ පෙම් කතරේ මා එන අතරේ
තනි තරුවක් සේ පා වේවා

පෙම් රස වෑහෙන මංගල ගීතේ ජීවිතේ
මධුරස වෑහෙනා
ආදර නැකත ළඟා වේ

නිල්වන පියසේ පුංචි කැදැල්ලේ ආදරේ
දෙතොල’ග ගී සැරේ
මී වද සුවඳ සදා දේ

සසර සැඳැල්ලේ නැගුණු සුපෙම් සඳ
මැකී නොයේවා
සදාතනික වේවා …//
සසරෙන් සසරේ එන්නෙමි මිහිරේ
ධීවරියක් සේ මා එනවා

පෙම් රස වෑහෙන මංගල ගීතේ ජීවිතේ
මධුරස වෑහෙනා
ආදර නැකත ළඟා වේ

නිල්වන පියසේ පුංචි කැදැල්ලේ ආදරේ
දෙතොල’ග ගී සැරේ
මී වද සුවඳ සදා දේ
ආදර නැකත ළඟා වේ
මී වද සුවඳ සදා දේ

ගායනය: ආචාර්ය වික්ටර් රත්නායක සමග ඉන්ද්‍රානි පෙරේරා
පද රචනය: සෝමපාල ලීලානන්ද
තනුව: සරත් දසනායක
කස්තුරි සුවඳ චිත්‍රපටයෙන්

sinhala-cinema-1 (1) av-25 Peshala (1) av-25 (1)